LUKNÜ ATHRÜTKHI THIYUSHEAK-ATSÜ HUHTANYU 23:33 - AMÜSÜH HÜM CL Bible (BSI)

³³ Tüsho küyimki arübo Kalvari de ajikhi dangpung ching arükhea, ju ching arünü athsümünimrü mahne ju khülang akhah tsülim tüsho püpü ju huzulim thsübah api yümkih.

LUKNÜ ATHRÜTKHI THIYUSHEAK-ATSÜ HUHTANYU 23:33 Iomraidhean Croise

MUNGSHIKHÜN 22:16

Khihnubonü I mükamdoa lah; mihbukmuyuk botonü I sündoa lah. Arünü I khahbo le I jingbo chinkhitshih.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 20:19

tüsho mükhemükimshihpü, arhapshihpü tüsho ayümkihshihpü khiungkerü kilim jihbah.”

MATHI 26:2

“Nüsanü mükheahlah, nimung mahne dunglim phungho-thünio labah, tüsho Mihtsürü Tsührü sangkim ching yümkihpü jihbah.”

LUKNÜ ATHRÜTKHI THIYUSHEAK-ATSÜ HUHTANYU 24:7

‘Mihtsürü Tsührü ju aneakrü mihtsürü khah ching jihbah ayümkihbah, tüsho asam nipü arhang kamlobah.’ ”

JOHAN 18:32

junangde Jisunü api künangde ashebeanü amütsan thsüde athakhi dünjipü lakheah.

JOHAN 3:14

Tüsho Mosanü sunglo ching phuruto shuhkihkhi nangde, Mihtsürü Tsührü she ashuhkihbah,

YUNIRÜBO RHIMO 13:29

Tüsho küyimki api dünkheak thrütkhi alala arünü abankhea, sangdung kheaknü api yihkhi, tüsho kiuyuk ching yapshih.

YUNIRÜBO RHIMO 2:23

Thrünpuhnü ha mihtsürü ju lümkhi lade tüsho mükheahjungde nüsa kilim jih; tüsho nüsanü mihbukmuyuk arung hode api sangkim kheak yümkihde sheshih.

YUNIRÜBO RHIMO 5:30

Nüsanü laksahbah sangdung kheak zhinkhi Jisu isa jipürü Thrünpuhnü asürüshih.

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

YUZÜNGTHALO 21:23

api mi ju sangdung kheak tsüngreroro düzo, tüshe nüsanü api ju ninü kiuyuka bahang, tümüde shepü zhindünü Thrünpuh muthrumüneankhi ah. Atungpuh nüsa Thrünpuhnü nüsa kilim yamrüplurüp jihkhi lo nüsanü mümüneanbeah.

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.