LUKNÜ ATHRÜTKHI THIYUSHEAK-ATSÜ HUHTANYU 23:31 - AMÜSÜH HÜM CL Bible (BSI)

³¹ Sangdung phüyakde alachoki harü rhimosho, ju akung lachoki tümü dünjiba?”

LUKNÜ ATHRÜTKHI THIYUSHEAK-ATSÜ HUHTANYU 23:31 Iomraidhean Croise

MÜCHITMUDU 11:31

Alomi ching thiyuro-lungkirü thsambah ngüchoh, junangde mihbukmuyuk tüsho aneakrü thsümüchibah de mütsanang!

JEREMIA 25:29

Kheahang, I mung tamde ajikhi kiuto kheak inü thsümütsü handarüpü tankihchoh, tüsho küde thsah nüsanü thsümüchi tsokhikhukpü? Nüsa müthsümüchidüa müyü, tümüde lomi ching larü alala azhihde inü nukshang jihchoh, Wuto Atungpuhnü thachoh.

DANIEL 9:26

Tüsho thünenü shu rukrükheak mahne dunglim mujude-mokhitkhi laksahbah tüsho wulakhi yakzanshuhbuh yo thirithsürünü azahbah kiuto tüsho arüngakopung thsümünimbah. Akheam ju keking khülang nangde arübah: Akheam khiungde thirithsü labah, tüsho athsümünimpü thsakhama lah.

MATHI 3:12

Api khah ching phürü shuhlah, tüsho apinü rhimopung tsüde amüsühbah tüsho api jakam ching hi hanmukhungbah; tüshe apinü atsütbo a amümütbe mo ching takbah.”

LUKNÜ ATHRÜTKHI THIYUSHEAK-ATSÜ HUHTANYU 23:30

Judüki arünü müzüngbo ki, ‘Isa kheak keamang!’ tüsho awungbo ki, ‘Isa zhidoang!’ de athapü tankihbah.

LUKNÜ ATHRÜTKHI THIYUSHEAK-ATSÜ HUHTANYU 23:32

Ju ching athsümünimrü mahne api lung sheshihpü bedarü.

JOHAN 15:6

Khürünü I kheak mülasho, sangkhah nangde jipa bahchoh tüsho kungabahchoh; arünü jurü hanmukhungbah mo ching jipyukchoh, tüsho jurü aniuabahchoh.

IBRI 6:8

Tüshe ayangbo le thrümthrukbebo mukhuhsho, ju yihnüpü mülakhi tüsho muthrua bahpü thüninde lah; akheam ching a ju takabahpü lah.

JUDNÜ ATHRÜTKHI KIHÜM HUHTANYU 1:12

Harü ha nüsanü amuzhokhi thüniobo ching areak kihkhi, mütrede arü nihbuh lang ahiuhakhiprübo lah; arübo tsüng mübede apungnü yünde ayükhi amobo ah; aso masokhi mumükin sangdungbo, mahne ki shekhi, aying rukkhitkhi ah;