LUKNÜ ATHRÜTKHI THIYUSHEAK-ATSÜ HUHTANYU 22:52 - AMÜSÜH HÜM CL Bible (BSI)

⁵² Judüki Jisunü api ki arürü amükeam putungrübo, arüngyam wühkenorübo, tüsho azothsürübo ki tha, “Nukshangbo tüsho shitsobo shuhbah jangkhijangrarü azhihpü nangde nüsa arükhea de?

LUKNÜ ATHRÜTKHI THIYUSHEAK-ATSÜ HUHTANYU 22:52 Iomraidhean Croise

2 KIULONG THSÜRÜ 11:15

Judüki amükeambuh Jehoiadanü bonungrü kurung zokhi wühkenorübo ki thiyukhüm jih, “Alibe ju aheangrü phu dükeak bekhitang, tüsho khürünü anihbe yansho nukshangnü laksahang.” Tümüde amükeambuhnü tha, “Anihbe A TUN GPU H yam chingnü dülaksah.”

MATHI 26:47

Api thade alachoki, thürükheak mahne bolung khülang, Juda, anihbuh lung amükeam putungrübo tüsho mihtsürü yo azothsürübonü athiyikhi nukshangbo le shinuk shuhrü boto ato bebah arü.

MATHI 26:55

Ju kim ching Jisunü boto ki tha, “Nüsanü jangkhijangrarü khülang azhihkhi nangde nukshangbo le shinukbo shuhbah I rampü arükhea de? Nimung aban arüngyam ching thsangyude I nüsa lung bindo, tüsho nüsanü I müram.

LUKNÜ ATHRÜTKHI THIYUSHEAK-ATSÜ HUHTANYU 22:37

Tümütüsho ha thrüta lakhi ju I kheak dünjibah de inü nüsa ki thachoh: ‘Tüsho api ju athsümünimrü lung kheyuk.’ Tümüde I dünkheaknü thrüta lakhibo adünjipü lah.”

LUKNÜ ATHRÜTKHI THIYUSHEAK-ATSÜ HUHTANYU 22:4

Judanü amükeam putungrü tüsho arüngyam aheangrü torübo kilim yü tüsho apinü künangde Jisu yinatsühbanü arü ki asukachih-a lu.

LUKNÜ ATHRÜTKHI THIYUSHEAK-ATSÜ HUHTANYU 22:51

Tüshe Jisunü tha, “Ju lang thsang!” Tüsho apinü mihtsürü nuku ju qiu tüsho api thsüngujih.

LUKNÜ ATHRÜTKHI THIYUSHEAK-ATSÜ HUHTANYU 22:53

Küyimki I arüngyam ching nimung aban nüsa lung lakhea, nüsanü I rampü mümürang. Tüshe ha nüsa kim, tüsho amiting wu lah.”

JOHAN 17:12

I alomi ching arü lung lachoki nü mung ching inü arü küma zo. Nünü I kilim jihkhibo inü neakdo; amüsühyu dünjipü thsüde adükheakpü akhua lakhi tsührü kheak hode arü sheshe müdükheak.

YUNIRÜBO RHIMO 5:26

Tüshe wühkenobuhnü atorübo bebah yü tüsho arübo amütsü müthsüde bedarü, tümüde arübo mihtsürübonü lungnü arupü tre.