LUKNÜ ATHRÜTKHI THIYUSHEAK-ATSÜ HUHTANYU 22:42 - AMÜSÜH HÜM CL Bible (BSI)

⁴² “Abuh, ha nü lümkhi thsüsho, ha pung I kheaknü luakhinjang; tütüshe I lümkhi yung, tüshe nü lümkhi thsang.”

LUKNÜ ATHRÜTKHI THIYUSHEAK-ATSÜ HUHTANYU 22:42 Iomraidhean Croise

MUNGSHIKHÜN 40:8

Inü nü lümkhi ching asühchoh, O I Thrünpuh, tüsho nü yakzan I mulong ching lah.”

ISAIA 51:17

Nü asürang, nü asürang! zhipang, O Jirusalem, nü shepü Atungpuh khah kheaknü api bukakhiukkhi pung yungkhea,

ISAIA 51:22

Wuto Atungpuhnü ha thachoh, nü Thrünpuh shepünü api mihtsürü dünkheak mushujihcho: Kheahang, nü khah chingnü amüshangbe pung inü ludo; nünü kheaküa I bukakhiukkhi lakuk chingnü mütründe muyung.

JEREMIA 25:15

Tümüde Atungpuh , Israel Thrünpuhnü I ki ha thachoh: I khah chingnü ha bukakhiuk yukhu pung luang, tüsho inü nü yüshihpung trükshihbo alalanü ha yungshang.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

MATHI 11:26

Am, Abuh ha nü miki atsü lakheah.

MATHI 20:22

Tüshe Jisunü arü ki tha, “Nüsanü tümü keokhichonü nüsanü mümükheah. Inü ayungpü lakhi pung nüsanü ayungkhukba shi?” Arünü api ki alo, “Isanü akukbah.”

MATHI 26:39

Apinü anükhüh limshude yübah amiro mükhüm tüsho tamkhüntamnüde tha, ‘O Abuh, kuksho ha pung I kheaknü luakhinjang; judüalalashe I lümkhi yung, tüshe nü lümkhi ah.’

MATHI 26:42

Apinü mahne kipü yülo tüsho tamkhüntamnüde tha, ‘O Abuh, inü muyungde ha pung luakhinbah mutsokhuksho, nü lümkhi thsang.’

MATHI 26:44

Jumonü apinü arü zojihbah alode yü, tüsho thiyubo ju ruk lang mahsam kipü tamkhüntamnü.

MATHI 6:10

Nü kiulongthsü arang, yinmi ching künangde la, alomi ching junangde nü lümkhi thsang.

MARK 14:36

Tüsho apinü tha, “Abuh, Abuh, nü thsungkheaknü alala akukbe lah. I kheaknü ha pung luakhinjang; judüalalashe, I lümkhi yung, tüshe nü lümkhi ah.”

LUKNÜ ATHRÜTKHI THIYUSHEAK-ATSÜ HUHTANYU 23:34

Judüki Jisunü tha, “Abuh, arü neak bahjang, tümütüsho arünü tümü rhimochonü mümükheah.” Tüsho arünü azan thsüde api khimmihbo chama lu.

JOHAN 18:11

Jisunü Peter ki tha, “Nü nukshang nuktrüp ching yukang. I Buhnü I kilim jihkhi pung inü muyungbea de?”

JOHAN 4:34

Jisunü arü ki tha, “I tsühyungbe ju I thiyibuh lümkhi rhimopü, tüsho api rhimo banpü lah.

JOHAN 5:30

“I küdahnü tümü müthsükhuk. Inü asokhinü mahkhapchoh; tüsho I mahkhapkhi ju thiyuro-lungki, tümütüsho inü I lümkhi müyim tüshe I thiyibuh I Buh lümkhi yimchoh.

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.

YUNIRÜBO RHIMO 21:14

Küyimki isanü api yu mukukkheanü isanü tuklo tüsho tha, “Atungpuh lümkhi thsüshang.”