LUKNÜ ATHRÜTKHI THIYUSHEAK-ATSÜ HUHTANYU 22:36 - AMÜSÜH HÜM CL Bible (BSI)

³⁶ Judüki apinü arü ki tha, “Tüshe kheaküa shepü shoyukpung tüsho qiuqiu lanü apinü lushang; tüsho shepü nukshang mülanü apinü nihbuh khimmih yinbah khülang thuloshang.

LUKNÜ ATHRÜTKHI THIYUSHEAK-ATSÜ HUHTANYU 22:36 Iomraidhean Croise

MATHI 10:10

nüsa limro thsungkheak qiuqiu yungsho pangkhümpü, yungsho jingkhümpü, yungsho tsobo alü dühan; tümüde rhimorü a nihbuh tsühyungpü ngüpü thülünlah.

LUKNÜ ATHRÜTKHI THIYUSHEAK-ATSÜ HUHTANYU 22:35

Tüsho apinü arü ki tha, “Küyimki inü nüsa shoyukpung, qiuqiu, tüsho jingkhümpü mulude ayüshihkheanü, nüsa tümükhüh mülakhea shi?” Jumonü arünü alo, “Tümü müla.”

LUKNÜ ATHRÜTKHI THIYUSHEAK-ATSÜ HUHTANYU 22:37

Tümütüsho ha thrüta lakhi ju I kheak dünjibah de inü nüsa ki thachoh: ‘Tüsho api ju athsümünimrü lung kheyuk.’ Tümüde I dünkheaknü thrüta lakhibo adünjipü lah.”

LUKNÜ ATHRÜTKHI THIYUSHEAK-ATSÜ HUHTANYU 22:38

Judüki arünü tha, “Atungpuh, kheahang, ha kheak nukshang mahne lah.” Apinü arü ki tha, “Ju suhdo.”

JOHAN 15:20

Inü nüsa ki, ‘Yamlarü khülang ju nihbuh putungrü kheaknü atobe yung,’ de athakhi lümkhitang. Arünü I thsümüchisho, nüsa she athsümüchibah. Arünü I yubo zosho, nüsa ki she anibah.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

1 TESALONIKA 3:4

Küyimki nüsa lung isa lakhea, isa thsümüchibah de atannü thajung; nüsanü mükheahde ha dünjido.

1 PETER 4:1

Tümütüsho isa dünkheaknü Khrista shih ching thsünüdü le, nüsa ju lümkhinü reangzahang, tümüde shepü shih ching thsünükheanü neak ching mübedebahdo,