LUKNÜ ATHRÜTKHI THIYUSHEAK-ATSÜ HUHTANYU 22:31 - AMÜSÜH HÜM CL Bible (BSI)

³¹ Tüsho Atungpuhnü tha, “Simon, Simon! Arimrinü wheat nangde nü ayipü keokhikheah.

LUKNÜ ATHRÜTKHI THIYUSHEAK-ATSÜ HUHTANYU 22:31 Iomraidhean Croise

ISAIA 28:28

Hi ju yikhap thsüpü zünakchoh, tüshe ju lünnü münitchoh; khürünü ju kheak lolungbe jing lungchoh tüsho khorabo bechoh, tüshe mühiumüzüt.

AMOS 9:9

Tümüde kheahang, inü thiyukhüm jihbah tüsho khürünü ayikeangnü ayikhi nangde trükshih alala bolung müthülünkhi yihkhita bahpü inü Israel yamkhün ayibah.

ZEKARIA 3:1

Judüki apinü Achangbe Amükeambuh Jihusua ju Atungpuh miki zhipde, tüsho api amülim jihpü akhah tsülim peang Arimri zhipde I ki huh.

MATHI 26:30

Tüsho küyimki arünü khün thsükheanü Oliv Müzüng lim yü.

MATHI 4:10

Jisunü api ki tha, “Tsoabahang, arimri! Tümüde amüsühyunü thachoh, ‘Nünü Atungpuh nü Thrünpuh kingaünbah, tüsho api lang tankihbah.’ ”

LUKNÜ ATHRÜTKHI THIYUSHEAK-ATSÜ HUHTANYU 10:41

Tüsho Jisunü alibe ki alo, “Martha, Martha, rhimo hihkhi dünkheaknü nü mulong kipathsükdo tüsho küpkhukdo;

YUNIRÜBO RHIMO 9:4

Judüki api alo kheak keam, tüsho api ki thakhi düsheak so, “Saul, Saul, tümüde nünü I thsümüchicho?”

1 KORINT 5:5

ha mihtsürü Arimri kilim jihang, junangde pang ju athsümünimbah tüsho Atungpuh nimung ching api me khümkhitbah.

2 KORINT 2:11

jude yungsho arimrinü isa kukbah; tümüde api rük thsükhi isanü mükheahlah.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

AMIKHEAKAKHIUKKHI 12:10

Tüsho yinmi ching düsheak achangnü thade inü so, “Kheakü akhümkhit, wu isa Thrünpuh kiulongthsü tüsho api yo Khrista thiyukhüm-sühmüh arüdo, tümüde isa Thrünpuh miki azhing ayin isa keoniorü amülim jihrü jipkhia bahdo.