LUKNÜ ATHRÜTKHI THIYUSHEAK-ATSÜ HUHTANYU 21:6 - AMÜSÜH HÜM CL Bible (BSI)

⁶ “Nüsanü ha ching kheahde alakhi, lung khülang she maningpü kim arübah; jurü alala keamabahbah.”

LUKNÜ ATHRÜTKHI THIYUSHEAK-ATSÜ HUHTANYU 21:6 Iomraidhean Croise

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 26:9

Tümüde nünü Atungpuh mung chingnü, ‘ Ha yam Shilo ruk kambah, tüsho ha kiuto mihtsürü mülade zhikrangkhündo alabah’ de müchitcho?” Tüsho mihtsürü alalanü Atungpuh yam ching Jeremia mükamde mukhung.

TÜZHOKHI 4:1

Künangde suna thsü müwado kama la, künangde suna müthsün thsü müthria la! Amüsüh lungbo kiudunglimro aban ching hiumüzüta yaplah.

TÜZHOKHI 5:18

Zion müzüng zhikrangkhündo alakhinü shirungbonü ju kheak apheanchoh.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

ZEKARIA 11:1

Nü ripitbo khimshuhang, O Lebanon, junangde monü nü yo cedarbo aniubah!

ZEKARIA 14:2

Tümüde inü trükshih alala Jirusalem azhihde keochihpü bemukhungbah, tüsho kiuto lubah tüsho thüyambo lubah tüsho aliberübo reangkihde thsümüchibah; mihtsürü niukshakkhüh ramtso ching yübah, tüshe aningkhi mihtsürü kiuto chingnü müdükheak.

MATHI 24:2

Tüsho Jisunü arü ki tha, “Nüsanü harü alala müngü de? Atsütsü inü nüsa ki thachoh: ha dangpung ching lung khülang she maningde keamabahbah.”

MARK 13:2

Tüsho Jisunü api ki alo tüsho tha, “Nünü harü thüyam atotobo ngücho shi? Ha dangpung ching lung khülang she maningde akeambah.”

LUKNÜ ATHRÜTKHI THIYUSHEAK-ATSÜ HUHTANYU 21:7

Tüsho arünü api ki keokhi, “Thsangyurü, harü küyimki dünjiba? Tüsho adünjipü thsüchoki amütsan tümü laba?”