LUKNÜ ATHRÜTKHI THIYUSHEAK-ATSÜ HUHTANYU 21:36 - AMÜSÜH HÜM CL Bible (BSI)

³⁶ Jumonü kamruhroro kurhangang tüsho tamkhüntamnüang, junangde harü alala dünjichoki nünü atsokhitkhukbah tüsho Mihtsürü Tsührü miki zhipkhukbah.”

LUKNÜ ATHRÜTKHI THIYUSHEAK-ATSÜ HUHTANYU 21:36 Iomraidhean Croise

JOB HU H T ANYU 27:10

Apinü Wutobuh kheak asühba de? Apinü kim alala ching Thrünpuh ki jiba de?

MUNGSHIKHÜN 1:5

Jumonü mihbukmuyuk ju mahkhapkhi ching müzhip, yungsho thiyuro-lungkirü mukhungkhi ching amüneanrübo müla;

JEREMIA 35:19

jumonü Wuto Atungpuh , Israel Thrünpuhnü ha thachoh: Rekab tsührü Jonadab a kim alala ching I miki tsühsoniuso khülang labah.

MALAKI 3:2

Tüshe api arükhi nimung shenü arümkhukba, tüsho api akhiukchoki shenü azhipkhukba? Api ju atsangkhitbe mo tüsho dükhüh-throbe nangde lah;

MATHI 24:42

Jumonü kurhangde lang, tümütüsho nüsa Atungpuh arüpü kim nüsanü mümükheah.

MATHI 24:43

Tüshe ha mükheahang, thüyam putungrünü ahührü arüpü kim mükheahkhülaa, apinü aheangde alabah tüsho api yam müchakashungshihpü lakheah.

MATHI 24:44

Jumonü nüsa she atündoang, tümüde nüsanü amülümkhi kim khülang ching Mihtsürü Tsührü arübah.

MATHI 25:13

Jumonü kurhangang, tümüde Mihtsürü Tsührü arüpü nimung yungsho kim nüsanü mümükheah.

MATHI 26:41

Junangde nüsa rükaki ching müyüzahpü thsüde kurhangang tüsho tamkhüntamnüang. Menü a künlah tüshe shih ching reangmüzah.’

MATHI 8:20

Tüsho Jisunü api ki alo, “Rimrebo lungkhünbo lah, tüsho wuhnubo asapbo lah, tüshe Mihtsürü Tsührü a ku alampung müla.”

MARK 13:33

Kurhangang, aheangang, tüsho tamkhüntamnüang; tümüde kim küyimkianü nüsanü mümükheah.

MARK 13:37

Inü tümü nüsa ki thachonü, mihbüm aban ki thachoh: ‘Kurhangang!’ ”

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

LUKNÜ ATHRÜTKHI THIYUSHEAK-ATSÜ HUHTANYU 18:1

Judüki arünü kamruhroro tamkhüntamnüpü tüsho mulong müninipü thsangyude api jingyanrübo ki Jisunü shihdanglimyu tha.

LUKNÜ ATHRÜTKHI THIYUSHEAK-ATSÜ HUHTANYU 20:35

Tüshe sherü ju lün ching athülün kheba, tüsho ashe chingnü arhang kamlobanü, mürhang yungsho yamkhün müthsü;

LUKNÜ ATHRÜTKHI THIYUSHEAK-ATSÜ HUHTANYU 21:35

Tümüde alomi ching larü alala kheak ju azheang khülang nangde arübah.

YUNIRÜBO RHIMO 10:2

Api ju shuhmülanga jihrü, api yamkhün alalanü Thrünpuh trede, zhochihrübo kilim arung jihde, tüsho mutukzhakde Thrünpuh ki tamkhüntamnüde alakheah.

1 KORINT 16:13

Kurhangang, akin ching düküngde zhipang, mulong toang, reangzahang.

2 KORINT 4:14

Shepünü Atungpuh Jisu arhang kamloshihkheanü isa she Jisu lung arhang kamloshihbah tüsho nüsa lungnü api miki bede ayübah de isanü mükheahlah.

KOLOSI 4:2

Makshe jihkhi ching kurhangde, müdüchingde tamkhüntamnüpü ching düküngang;

1 TESALONIKA 5:17

müdüchingde tamkhüntamnüang,

2 TIMOTHI 4:5

Nünü kamruhroro adüngakhiang, thsümütsü arümang, thsangyuthsangrarü rhimo thsang, nü tankih rhimo akuk ngüang.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.

JUDNÜ ATHRÜTKHI KIHÜM HUHTANYU 1:24

Kheakü nüsa mangakde akümpü tüsho areak mükihde api müretah miki asühachihde nüsa yüshihbuh kilim,

AMIKHEAKAKHIUKKHI 11:4

Harü ju oliv sangdung mahne tüsho alomi Atungpuh miki zhipkhi tsünpung mahne lah.

AMIKHEAKAKHIUKKHI 6:17

tümüde arü bukakhiukkhi nimung ato arüdo, tüsho shepünü ju müngüh zhipkhukba?”

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,

AMIKHEAKAKHIUKKHI 8:2

Judüki yunirü thüne Thrünpuh miki zhipde inü ngü, tüsho arü kilim hulipungpung thüne jih.