LUKNÜ ATHRÜTKHI THIYUSHEAK-ATSÜ HUHTANYU 21:33 - AMÜSÜH HÜM CL Bible (BSI)

³³ Thüning tüsho alomi hode atsobah, tüshe I yubo küyimkishe hode mutso.

LUKNÜ ATHRÜTKHI THIYUSHEAK-ATSÜ HUHTANYU 21:33 Iomraidhean Croise

MUNGSHIKHÜN 102:26

Arübo adükheakbah, tüshe nü a rünkhiungbah; arü alala khimmih nangde amürhütbah; khimmih nangde nünü arü müthribah, tüsho arübo amüthribah.

MUNGSHIKHÜN 119:152

Inü nü yakzan thsükhibo dünkheak adüsonü mükheahdo; nünü jurü lünnü alapü thsüjih.

ISAIA 40:8

Sangrung yiuhchoh, sangbün keamkhichoh; tüshe isa Thrünpuh yu lünnü azhipbah.

ISAIA 51:6

Nü mükbo thüning lim züngkihang tüsho abolim alomi kheak kheahang; tümüde mokhüh nangde thüningbo dükheakbah, khim khülang ruk alomi mürhütbah, tüsho ju ching larü somünakbo nangde ashebah; tüshe I akhümkhit lünnü alabah, tüsho I yo thiyuro-lungki küyimkishe mükheam.

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

MARK 13:31

Thüning tüsho alomi hode atsobah, tüshe I yubo a küyimkishe hode mutso.

LUKNÜ ATHRÜTKHI THIYUSHEAK-ATSÜ HUHTANYU 16:17

Yakzan yo thiyumük khülang yihkhita bahpü kheaknü a thüning le alomi dükheakpü athülihbe ah.

LUKNÜ ATHRÜTKHI THIYUSHEAK-ATSÜ HUHTANYU 21:32

Atsütsü inü nüsa ki thachoh, harü alala müdünjiyikia ha lün hode mutso.

1 PETER 1:25

tüshe Atungpuh yu lünnü lah.” Tüsho nüsa ki thsangyuthsangrakhi thiyusheak atsü ju ha lakheah.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.