LUKNÜ ATHRÜTKHI THIYUSHEAK-ATSÜ HUHTANYU 21:21 - AMÜSÜH HÜM CL Bible (BSI)

²¹ Judüki Judea ching larü müzüngbo ching yüshang, kiuto ching larü wukhiukang, tüsho mükeak ching larübo kiuto ching düyüzahshih.

LUKNÜ ATHRÜTKHI THIYUSHEAK-ATSÜ HUHTANYU 21:21 Iomraidhean Croise

THRÜNTAN 19:17

Anenü arü bekhit akede, khülangnü api ki tha, “Nü rhangdung thsungkheak tsokhiang! Nü dunglim rholoa dükheah yungsho adükhün küching she dütuklo. Awungbo ching tsokhide yüang, jude yungsho nü dükheakbah.”

THRÜNTAN 19:26

Tüshe Lot niubenü dunglim rholoa kheah, tüsho alibe thimi dungto kamabah.

MÜCHITMUDU 22:3

Rük larünü atrebe ngübah jikchoh; tüshe lümlangrünü judü lang yüchoh tüsho thsünüa luchoh.

JEREMIA 35:11

Tüshe küyimki Babilon kiulongthsüpuh Nebukednezarnü lomi azhihde atukhea, isanü tha, ‘ Arang, tüsho Kaldea bonungrü tüsho Aram bonungrü trekhinü isa Jirusalem lim yüanü.’ Jumonü isa Jirusalem ching lakheah.”

JEREMIA 37:12

Jeremianü ju ching mihtsürü bolung nihbuh shihcham lakhit-kukruk lupü Jirusalem ching yü.

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

WÜHKHE 16:26

Tüsho apinü boto ki tha, “Kheakü khimyam ching lakhi harü amütsü mihtsürübo kheaknü akhinang! Arü yo tümü she düqiu, jude yungsho arü neakbo dünkheaknü nüsa kheamkhambah.”

MATHI 2:1

Kiulongthsüpuh Herod kim ching, Judea ching lakhi Bethlehem ching Jisu zübe dunglim, aniakhiuklimnü mükheahmudurübo Jirusalem ching arü

MATHI 24:16

judüki Judea ching larü müzüngbo ching tsoshang.

MARK 13:15

Tüsho shepü thüyam-mün kheak lanü düyüki yungsho tümükhüh lupü nihbuh yam ching düyüzah.

AMIKHEAKAKHIUKKHI 18:4

Judüki yinmi chingnü düsheak püpü thakhi inü so, “Alibe kinü akhiukang, I mihtsürü, jude yungsho nüsanü anihbe neakbo ching shihcham lubah, jude yungsho nüsanü anihbe arümbo ching shihcham lubah;