LUKNÜ ATHRÜTKHI THIYUSHEAK-ATSÜ HUHTANYU 21:17 - AMÜSÜH HÜM CL Bible (BSI)

¹⁷ Tüsho I mung dünkheaknü alalanü nüsa thraneanbah.

LUKNÜ ATHRÜTKHI THIYUSHEAK-ATSÜ HUHTANYU 21:17 Iomraidhean Croise

MATHI 10:22

Tüsho I mung dünkheaknü alalanü nüsa thraneanbah. Tüshe shepünü akheam khiungde arümbanü akhümkhitbah.

MATHI 24:9

“Judüki arünü nüsa thsümüchipü jihbah tüsho alaksahbah, tüsho I mung dünkheaknü trükshih alalanü nüsa thraneanbah.

MATHI 5:11

“I dünkheaknü arünü nüsa mükhemükimde thsümüchichoki tüsho arükchihnü nüsa azhihde amütsü alala thachoki nüsa asühpü.

MARK 13:13

Tüsho I mung dünkheaknü mihtsürü alalanü nüsa thraneanbah. Tüshe shepünü akheam khiungde arümbanü akhümkhitbah.

LUKNÜ ATHRÜTKHI THIYUSHEAK-ATSÜ HUHTANYU 21:16

Nüsabo ju bebuhrü le keoniorü, betsührü tüsho müyamrübonü she mülapyukbah; tüsho arünü nüsa khürü a asheshihbah.

LUKNÜ ATHRÜTKHI THIYUSHEAK-ATSÜ HUHTANYU 21:18

Tüshe nüsa kuyü khülang she müdükheak.

LUKNÜ ATHRÜTKHI THIYUSHEAK-ATSÜ HUHTANYU 6:22

“Mihtsürü Tsührü dünkheaknü küyimki mihtsürübonü nüsa thraneanba, küyimki nüsa mükhemükimde khekhita bahba tüsho amütsü thade nüsa mung bahyukbanü nüsa asühpü!

JOHAN 15:19

Nüsa ju alomi yo thsükhülaa, alominü nihbuh yo muzhobah, tütüshe nüsa ju alomi yo yung tüshe alomi chingnü inü nüsa mokhit, jumonü alominü nüsa thraneanchoh.

JOHAN 15:21

Tüshe harü alala I mung dünkheaknü arünü nüsa ki rhimochoh, tümütüsho arünü I thiyibuh mümükheah.

JOHAN 17:14

Inü arü kilim nü yu jihdo; tüsho alominü arü thraneando tümütüsho I alomi yo yungkhi nangde arübo alomi yo yung.

JOHAN 7:7

Alominü nüsa müthranean, tüshe ju rhimo amütsü lah de inü thiyumütsan thsümonü I thraneanchoh.

YUNIRÜBO RHIMO 9:16

tümütüsho I mung dünkheaknü küdükhüh thsünübeanü inü api ki huhbah.”

2 KORINT 12:10

Jumonü Khrista dünkheaknü inü reangmüzahkhi, mükhemükim, küpkhuk, thsümüchi, tüsho thsümütsübo kheak reangkeamlah; tümüde küyimki I reangmüzahbanü, I sühmüh lah.

2 KORINT 4:11

Tümütüsho isa ashebe pang ching api rhangdung ngüpü thsüde Jisu dünkheaknü isa rhangdung kamruhroro atrebe ashepü ching lakheah.

2 KORINT 4:5

Tümüde isa küdah yung, tüshe Jisu Khrista ju Atungpuh tüsho Jisu dünkheaknü isabo ju nüsa tankihrübo de thsangyuthsangrachoh.

FILIPI 1:29

Tümüde Khrista thsung thsüde api kheak kinpü lang nüsa ki mülüjihkhi yung, tüshe api dünkheak thsünüpü she ah,

1 PETER 4:14

Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah.

AMIKHEAKAKHIUKKHI 2:3

Nü arümkheamkhi, I mung dünkheak thsünükhi tüsho nü mükeaksahkhi inü mükheahlah.