LUKNÜ ATHRÜTKHI THIYUSHEAK-ATSÜ HUHTANYU 20:36 - AMÜSÜH HÜM CL Bible (BSI)

³⁶ yungsho kheaküa arü müshe, tümütüsho arübo ashe chingnü arhang kamlokhinü yunirübo tüsho Thrünpuh tsührübo lung yangyukhüh labah.

LUKNÜ ATHRÜTKHI THIYUSHEAK-ATSÜ HUHTANYU 20:36 Iomraidhean Croise

ISAIA 25:8

Judüki Atungpuh Thrünpuhnü alala miro kheaknü chike nanjihbah, tüsho api mihtsürü masühkhi alomi alala chingnü lude atsobah, tümüde Atungpuhnü asukdo.

HOSEA 13:14

Inü arü Ashe-lomi ching rhokhitba de? Inü arü Ashe chingnü rhokhitba de? O Ashe, nü arüm-tukthsübo küching la? O Ashe-lomi, nü athsümünim küching la? I mük kinü amuzho jika lah.

ZEKARIA 3:7

“ Wuto Atungpuhnü ha thachoh: Nünü I limro ching tsahsho tüsho inü alunekhibo zosho, nünü I yam kurungkheak yakzan shuhbah tüsho ju khiungshakbo neakbah, tüsho ha ching zhiprü bolung inü nü kilim dangpung ngüpü alim jihbah.

MATHI 22:30

Tümütüsho arhang kamlodarükhi ching arünü yamkhün müthsü, tüshe yinmi ching Thrünpuh yunirübo nangde alabah.

MARK 12:25

Tümütüsho küyimki arü ashe chingnü arhang kamlobanü, arünü mürhang yungsho yamkhün müthsü, tüshe arübo yinmi ching yunirübo nangde alabah.

ROMRÜ KILIM PAULNÜ ATHRÜTKHI KIHÜM HUHTANYU 8:16

Me junü isa Thrünpuh tsührü ah de isa me kheak thiyumütsan thsüchoh,

1 KORINT 15:26

Akheam thsüde adükheakshihpü thiriri ju ashekhi.

1 KORINT 15:42

Junangde asherü arhang kamlokhi ju ruk ah. Tümü hiukheanü adükheakbe ah, tümü asürüa lanü müdükheakbea ah.

1 KORINT 15:49

Isanü asungthulung mihtsürü kiphahde alakhi nangde, isanü yinmi mihtsürü she kiphahde alabah.

FILIPI 3:21

Apinü anihbuh yakzan bukkhüp lüpdükhi hande arükhukkhi wu hode isa reangmüzahkhi pang müthrijihbah tüsho müretahkhi api pang nangde akamshihbah.

AMIKHEAKAKHIUKKHI 20:6

Shepü akhuhbe arhang kamlokhi ching shihcham luchonü müngühmühi tüsho amüsüh! Arü kurungkheak mahnekipü shepü wu müla, tüshe arübo Thrünpuh tüsho Khrista amükeamrübo labah, tüsho arünü api lung kam chithürü kiulongthsübah.

AMIKHEAKAKHIUKKHI 21:4

apinü arü mük chingnü chikebo nana bahjihbah, tüsho ashepü mülade akambah, mulong rozhakpü yungsho atrippü yungsho thsünüpü mülade akambah, tümüde akhuhlim lakhibo hode tsoabahdo.”

AMIKHEAKAKHIUKKHI 22:9

tüshe apinü I ki tha, “Nünü jude düthsü! I a nü le nü keoniorü wukihrübo, tüsho ha hüm yubo zorü lung rukhüh tankihrü ah. Thrünpuh kingaünang.”