LUKNÜ ATHRÜTKHI THIYUSHEAK-ATSÜ HUHTANYU 20:14 - AMÜSÜH HÜM CL Bible (BSI)

¹⁴ Tüshe küyimki kurungasolu thsürübonü api ngükhea, arünü arü bolung asukachihde tha, ‘Ha yamrüplurüp lubuh ah. Arang, isanü api laksahanü, junangde yamrüplurüp ju isa yo thsübah.’

LUKNÜ ATHRÜTKHI THIYUSHEAK-ATSÜ HUHTANYU 20:14 Iomraidhean Croise

MUNGSHIKHÜN 2:8

I ki kheangang, tüsho inü trükshihbo nü yamrüplurüp, tüsho alomi athrünkhi nü yamalo thsüshihbah.

MUNGSHIKHÜN 89:27

Inü api I tsührü adüjirü, alomi kiulongthsürübo kheaknü achangbe thsüshihbah.

MATHI 16:7

Tüsho arünü arü bolung asukachihde tha, “Ha isanü yikhap mulumonü ah.”

MATHI 21:25

Johannü baptikhi ju küchingnü a? Yinmi chingnü a shi mihtsürübo kilimnü a?” Tüsho arünü arü bolung lümde thaachih, “Isanü, ‘Yinmi chingnü,’ de thasho, apinü isa ki thabah, ‘Dale tüsho tümüde nüsanü api mükinkhea?’

MATHI 21:34

Küyimki yimlupü kim khiungkhea, apinü thulu-mücherü kilim yimlukhi chingnü shihcham lupü ayamlarübo yüshih;

LUKNÜ ATHRÜTKHI THIYUSHEAK-ATSÜ HUHTANYU 19:47

Tüsho apinü nimung aban arüngyam ching thsangyude alakheah. Tüshe amükeam putungrübo, yakzan thsangyurübo, tüsho mihtsürü limberübonü api laksahpü yim,

LUKNÜ ATHRÜTKHI THIYUSHEAK-ATSÜ HUHTANYU 20:13

Judüki kurungasolu putungpuhnü tha, ‘Inü tümü rhimoba? Inü muzhodakkhi I tsührü yüshihbah. Arünü api ngüchoki api ki wüntre jihpü labah.’

LUKNÜ ATHRÜTKHI THIYUSHEAK-ATSÜ HUHTANYU 20:15

Jumonü arünü kurungasolu chingnü api yankhit tüsho laksah. Jumonü kurungasolu putungrünü arü ki tümü thsüba?

LUKNÜ ATHRÜTKHI THIYUSHEAK-ATSÜ HUHTANYU 20:19

Tüsho amükeam putungrübo le yakzan thsangyurübonü apinü shihdanglimyu ha arü azhihde thachoh de mükheahbah ju kim chingnü api rampü yim, tüshe arünü mihtsürübo tre.

LUKNÜ ATHRÜTKHI THIYUSHEAK-ATSÜ HUHTANYU 20:5

Tüsho arünü arü bolung lümakheahde tha, “Isanü ‘Yinmi chingnü’ de thasho apinü athabah, ‘Dale tümü thsükhi nüsanü api mükinkhea?’

LUKNÜ ATHRÜTKHI THIYUSHEAK-ATSÜ HUHTANYU 22:2

Tüsho amükeam putungrübo tüsho yakzan thsangyurübonü api laksahpü rük yim, tümüde arünü mihtsürübo trede alakheah.

YUNIRÜBO RHIMO 2:23

Thrünpuhnü ha mihtsürü ju lümkhi lade tüsho mükheahjungde nüsa kilim jih; tüsho nüsanü mihbukmuyuk arung hode api sangkim kheak yümkihde sheshih.

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

ROMRÜ KILIM PAULNÜ ATHRÜTKHI KIHÜM HUHTANYU 8:17

tüsho isa ju tsührübo a sho, yamrüplurüp lurü ah–api müretahkhi ching isanü shihcham lupü thsüde isanü api thsünükhi shihcham lusho, Thrünpuh yamrüplurüp lurü tüsho Khrista lung rukhüh yamrüplurüp lurü thsübah.

IBRI 1:2

tüshe harü akheam nimungbo ching a api hode alomi thrünbah alala yamrüplurüp lubuh kamshihkhi atsührü hode isa ki asuk.