LUKNÜ ATHRÜTKHI THIYUSHEAK-ATSÜ HUHTANYU 2:4 - AMÜSÜH HÜM CL Bible (BSI)

⁴ Tüsho Josep she Galilee ching lakhi Nazareth kiuto chingnü, Judea ching Bethlehem de ajikhi David kiuto ching yü, tümütüsho api David yamkhün chingnü alakheah.

LUKNÜ ATHRÜTKHI THIYUSHEAK-ATSÜ HUHTANYU 2:4 Iomraidhean Croise

THRÜNTAN 35:19

Junangde Rachel sheabah tüsho Ephra (ju Bethlehem) limro kheak kiuyukabah.

THRÜNTAN 48:7

Tümütüsho I Paddan chingnü arüchoki, Ephrath lim yüpü limro adükeak anükhüh lade, Kanan lomi ching Rachel I kinü sheabah; tüsho inü anihbe Ephrath (ju Bethlehem) lim yüpü limro kheak kiuyukabah.”

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MATHI 1:20

Tüshe api harü lümde alachoki, Atungpuh yunirü khülang milim ching api ki akhiukbah tha, “David tsührü Josep, nü niube thsüpü Mari lupü dütre, tümüde Amüsüh Me hode alibe mübünkeangde lah.

MATHI 2:23

Tüsho apinü yübah Nazareth kiuto ching la, junangde wukihrübonü, “Api Nazarethrü de ajibah,” de athakhi dünjipü lakheah.

LUKNÜ ATHRÜTKHI THIYUSHEAK-ATSÜ HUHTANYU 2:3

Tüsho alalanü mung thrütpü nihbuh kiuto ching yü.

LUKNÜ ATHRÜTKHI THIYUSHEAK-ATSÜ HUHTANYU 2:5

Ju ching apinü mung thrütpü aniube thsüpü keoa mübünkeangde alakhi Mari bebah yü.

LUKNÜ ATHRÜTKHI THIYUSHEAK-ATSÜ HUHTANYU 4:16

Apinü anihbuh zode asürüpung Nazareth ching yü, tüsho apinü rhimode alakhi nangde Amuni sinagog ching yüzah. Tüsho apinü akhepü wusu.

JOHAN 1:46

Nathanaelnü api ki tha, “Nazareth chingnü tümükhüh atsü akhiukkhukba de?” Philipnü api ki tha, “Arübah kheahang.”

JOHAN 7:42

Khrista ju David tsühsoniuso chingnü tüsho David lapung Bethlehem kiuto chingnü arübah de amüsühyunü thachoh yung de?”

RUTH 1:19

Jumonü Bethlehem mukhiungchokia ane judü lang yü. Küyimki ane akhiungkhea, kiuto ching larü athrünkhi asüh, tüsho aliberübonü zhide tha, “ Atsütsü ha Naomi a shi?”

RUTH 2:4

Adükeak anükhüh dunglim Boaz ju Bethlehem chingnü arübah yimlurübo ki makshe jihde tha, “Atungpuh nüsa lung lashang!” Arübonü api ki alo, “Atungpuhnü nü müngühshang!”

RUTH 4:11

Azothsürü tüsho chipimurung ki larübonü tha, “ Am, isa thiyumütsan thsürü ah. Rachel le Lea bünenü Jakob kilim tsührü hihde zübejihkhi nangde Atungpuhnü nü yamkhünbe müngühshang. Ephra trük ching nü alarü kamshang tüsho Bethlehem ching nü thushang.

RUTH 4:17

Yamhingrü liberübonü khungarü mung Obed de ji. Arünü alala ki tha, “ Tsührü athrürü khülang Naomi kilim zübejih-a lah!” Api ju David abuh, Jesse abuh kam.

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 16:4

Atungpuhnü thiyukhüm jihkhi Samuelnü rhimo, tüsho Bethlehem ching arü. Kiuto azothsürübonü api shorupü ajande arü, tüsho tha, “Nü mungtsü chingnü arücho de?”

1 SAMUEL 17:12

Kheakü David ha Juda ching lakhi Bethlehem chingnü Ephrarü Jesse tsührü ah, api tsührü 8 lakheah. Saul kiulongthsüchoki ha buh mihtsürü ha khide shina lakheah.

1 SAMUEL 17:58

Saulnü api ki tha, “ Athrününgtsüng, nü shepü tsührü a?” Tüsho Davidnü alo, “I Bethlehemrü nü yamlarü Jesse tsührü ah.”

1 SAMUEL 20:6

Apinü I khide mürheangsho, thaang, ‘David a api kiuto Bethlehem lim niokheamde ayüpü I ki mushude kheangdo; tümüde ju ching yamkhün alala thsungkheaknü kam abande laksah-a kingaünpü lah.’