LUKNÜ ATHRÜTKHI THIYUSHEAK-ATSÜ HUHTANYU 2:34 - AMÜSÜH HÜM CL Bible (BSI)

³⁴ Simeonnü arü müngühjih tüsho abe Mari ki tha, “Khungarü ha Israel ching ahihkhüh thsümünimpü tüsho khümkhitpü Thrünpuhnü amokhitkhi lah, tüsho azhihde athapü amütsan khülang labah,

LUKNÜ ATHRÜTKHI THIYUSHEAK-ATSÜ HUHTANYU 2:34 Iomraidhean Croise

THRÜNTAN 14:19

Apinü anihbuh müngühjihde tha: “Thüning tüsho alomi Thrünrü, Khide Achang Thrünpuhnü Abram müngühshang.

THRÜNTAN 47:7

Judüki Josepnü abuh Jakob bea lubah Pharao miki yü; tüsho Jakobnü Pharao müngühjih.

ABEKHIT 39:43

Atungpuhnü thiyukhüm jihkhi nangde arü rhimobo Mosanü kheahkham, jumonü Mosanü arü müngühjih.

ISAIA 8:18

Kheahang, I tüsho Zion Müzüng kheak lakhi Atungpuhnü I kilim jihkhi tsührübo Wuto Atungpuh kilimnü Israel ching amütsan tüsho mütsanmükhibe lah.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

MATHI 11:19

Mihtsürü Tsührü tsühyungde arü, tüsho arünü thachoh, ‘Kheahang, ha ching bukchihrü tüsho amüshangrü, ruk-threrü tüsho aneakrübo müyamrü khülang lah.’ Tüshe Thrünpuh lümlung ju arhimonü alim mütsanchoh.”

MATHI 12:46

Küyimki api boto ki asukachihde alakheanü, abe le akeoniorübo api ki asukachihpü künde wungdo zhipde alakheah.

MATHI 21:44

Tüsho sherü ha lungmi kheak keambanü adütre kamde adannakbah; tüshe sherü kheak ha lung keambanü adübün kamde azünakbah.”

MATHI 27:63

tüsho tha, “Atobuh, api arhang lachoki, mülapmüjibuhnü athakhi isanü lümkhitchoh, ‘Nimung mahsam dunglim I asürübah.’

LUKNÜ ATHRÜTKHI THIYUSHEAK-ATSÜ HUHTANYU 2:35

junangde ahihkhüh rama lakhi lümkhi akhiuka huhbah. Tüsho nukshang ayuk nangde mulong rozhaknü nü mulong thsümünimbah.”

JOHAN 3:20

Tümüde amütsü rhimorü abannü ayin thraneanchoh tüsho ayin lim marü, jude yungsho api rhimobo lahkhitbah.

JOHAN 5:18

Jumonü Jihudarünü api laksahpü alü thsüde yim, tümütüsho apinü Amuni lang athsümünimkhi yung, tüshe Thrünpuh ju api Abuh ah de tha, tüsho api ju Thrünpuh lung rukhüh khea lu.

YUNIRÜBO RHIMO 13:45

Tüshe küyimki Jihudarünü boto ngükhea, arünü mükthsüde kam tüsho Paulnü athakhi reanglode api azhih.

YUNIRÜBO RHIMO 17:6

Tüsho küyimki arünü ane müngükheanü Jason le keoniorü khürü kiuto limberübo müngüh bebah tsahde zhi, “Alomi neamneamjihrü mihtsürü harü ha ching she arüa lah,

YUNIRÜBO RHIMO 24:5

Ha mihtsürü ju thsümütsü-jihrü, Jihudarü alala bolung arhungangüm jihbuh ah de isanü yimkhitdo, tüsho Nazarethrü bolung api aberü ah.

YUNIRÜBO RHIMO 28:22

Tüshe lümkhi tümüanü isanü nü kilimnü sonelah; tümüde alala ching ha khunung azhihde asukkhi isanü mükheahlah.”

YUNIRÜBO RHIMO 4:26

Alomi kiulongthsürübonü thsakham, tüsho yakzanshuhrübonü Atungpuh tüsho api yo Khrista azhihde rukhüh mukhung.’

YUNIRÜBO RHIMO 6:7

Junangde Thrünpuh yu bude yü; Jirusalem ching akinrübo khide hihde kam, tüsho amükeamrü ahihkhühnü akin leangkhi.

ROMRÜ KILIM PAULNÜ ATHRÜTKHI KIHÜM HUHTANYU 9:32

Tümü thsükhea? Tümütüsho arünü akin hode mümüsham, tüshe rhimo kheak ningkih. Jingmükhelung kheak arü jingmükhe,

1 KORINT 1:23

tüshe isanü a Jihudarü ki jingmükhebe tüsho khiungkerü ki makhakhi, Khrista yümkihkhi thsangyuthsangrachoh,

IBRI 7:1

Ha buh Melkizedek ha Salem kiulongthsürü tüsho Khide Achang Thrünpuh amükeamrü lakheah. Abrahamnü kiulongthsürü phüyi laksahbah alode arüchoki apinü shoru tüsho api müngühjih,

IBRI 7:7

Tüsho akheambuh ju azopünü müngühjihkhi lümshangmang tümü müla.

1 PETER 4:14

Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah.

1 SAMUEL 2:20

Judüki Elinü Elkana tüsho aniube müngühjihde tha, “ Alibenü Atungpuh kilim thsambah jihkhi dünkheak ha liberü hode nü kilim tsührü jihshang”; tüsho arübo thüyam lim alode arü.