LUKNÜ ATHRÜTKHI THIYUSHEAK-ATSÜ HUHTANYU 2:25 - AMÜSÜH HÜM CL Bible (BSI)

²⁵ Judüki Jirusalem ching mihtsürü khülang amung Simeon lakheah, tüsho ha mihtsürü thiyuro-lungki tüsho shuhmülanga jihrü Israel khümkhitkhi kheahde, tüsho api kheak Amüsüh Me lakheah.

LUKNÜ ATHRÜTKHI THIYUSHEAK-ATSÜ HUHTANYU 2:25 Iomraidhean Croise

THRÜNTAN 6:9

Ha Noa lün ah. Noa ju api lünbo ching thiyuro-lungki, khiukdahkhi mihtsürü lakheah, tüsho apinü Thrünpuh lung tsah.

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

JOB HU H T ANYU 1:8

Atungpuhnü Arimri ki tha, “Nünü I yamlarü Job mükheahkhitnah? Alomi kheak api nangde she müla, mungchih müla, Thrünpuh wüntrekhi tüsho alungki mihtsürü tüsho amütsü chingnü bahkhichoh.”

ISAIA 25:9

Ju nimung thabah, Kheangang, ha isa Thrünpuh ah; isa khümkhitshihpü thsüde isanü api aleangkheah. Ha isanü aleangkhi Atungpuh lah; isanü api akhümkhit ching asühanü tüsho asühachihanü.

ISAIA 40:1

Shukheamang, O I mihtsürü shukheamang, nü Thrünpuhnü thachoh.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

WÜHKHE 11:25

Tüsho Atungpuhnü amo ching akibahle api ki asukachih, tüsho api kheak lakhi me khürü lubah azothsürü nerü kheak yukjih; tüsho küyimki me ju arü kheak keamkhea, arünü müchitmudupü tankih. Tüshe kim ashang thsungkheaknü yung.

WÜHKHE 11:29

Tüshe Mosanü alo, “Nünü I dünkheak mükthsücho shi? Atungpuhnü amihtsürü alala kheak ame yükihshihbah wukihrübo nangde zhishang shi de inü lümlah!”

MARK 15:43

kiuthsü-binkiu ching adungto kheyukrü Arimathearü Josep, Thrünpuh kiulongthsü aleangde alabuhnü arübah mulong tode Pilat ki yü tüsho Jisu mi kheang.

LUKNÜ ATHRÜTKHI THIYUSHEAK-ATSÜ HUHTANYU 1:41

Tüsho küyimki Marinü salüm jihkhi Elizabethnü asokhea, khungarünü abe nuyam chingnü juk; tüsho Elizabeth ju Amüsüh Menü mide kam.

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

LUKNÜ ATHRÜTKHI THIYUSHEAK-ATSÜ HUHTANYU 1:67

Tüsho abuh Zakaria Amüsüh Menü mide kambah müchitde tha,

LUKNÜ ATHRÜTKHI THIYUSHEAK-ATSÜ HUHTANYU 2:38

Tüsho ju kim ching atubah alibenü Thrünpuh ki makshe jih, tüsho Jirusalem rhokhitpü kheahde alarü alala ki api dünkheak asuk.

LUKNÜ ATHRÜTKHI THIYUSHEAK-ATSÜ HUHTANYU 23:51

Apinü arü kiuthsübinkiunü pungkhikhi ching mümulungde alakheah. Api ju Jihudarü kiuto Arimathea chingnü ah tüsho api she Thrünpuh kiulongthsü aleangde alakheah.

YUNIRÜBO RHIMO 10:2

Api ju shuhmülanga jihrü, api yamkhün alalanü Thrünpuh trede, zhochihrübo kilim arung jihde, tüsho mutukzhakde Thrünpuh ki tamkhüntamnüde alakheah.

YUNIRÜBO RHIMO 10:22

Tüsho arünü tha, “Kornelia, wühkenobuh, alungki tüsho Thrünpuh trekhi mihtsürü, Jihudarü trükshih alalanü tsülah dükhi, amüsüh yunirünü khuhlanga huhbah nü api yam ching arüshihpü tüsho nünü athakhi anipü nü kilim thiyi.”

YUNIRÜBO RHIMO 2:5

Judüki thüning bukkhüp trükshih aban chingnü, shuhmülanga jihrü Jihudarü Jirusalem ching lakheah.

YUNIRÜBO RHIMO 24:16

Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh.

YUZÜNGTHALO 18:15

Atungpuh nüsa Thrünpuhnü nüsa thsungkheak wukihrü I nangde nüsa tüsho keoniorü bolungnü akhiukshihbah. Nüsanü api ki anibah.

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.