LUKNÜ ATHRÜTKHI THIYUSHEAK-ATSÜ HUHTANYU 2:14 - AMÜSÜH HÜM CL Bible (BSI)

¹⁴ “Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

LUKNÜ ATHRÜTKHI THIYUSHEAK-ATSÜ HUHTANYU 2:14 Iomraidhean Croise

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 49:13

Asühachihpü khün thsang, O thüningbo, tüsho khide asühang, O alomi; O awungbo, khün thsüde alankhitang! Tümüde Atungpuhnü api mihtsürü shukheamdo, tüsho api mihtsürü thsünürü kheak mihmüthsüm labah.

ISAIA 57:19

Limshu tüsho aphüni ching, mungtsü, mungtsü, Atungpuhnü thachoh; tüsho inü arü thsüngubah.

MIKA 5:5

tüsho api ju mungtsü khülang labah. Mürangkhüh Asiriarü isa lomi ching azahsho tüsho isa lo kheak jungsho, isanü isa limberü sühmüh larü arü bede keochihshihpü yüshihbah.

MATHI 21:9

Judüki müngühlim yükhi tüsho dunglim yankhi botonü zhide tha: “Hosanna, David tsührü! Shepü Atungpuh mung chingnü arüchonü müngühmühi thsang! Achangbe chingnü shiang!”

LUKNÜ ATHRÜTKHI THIYUSHEAK-ATSÜ HUHTANYU 1:79

amiting ching larü yinshihpü tüsho ashe alamme ching larü kheak yinshihpü, isa jingdükü mungtsü limro ching bepü lah.”

LUKNÜ ATHRÜTKHI THIYUSHEAK-ATSÜ HUHTANYU 19:38

“‘Atungpuh mung chingnü arükhi kiulongthsüpuh müngühmühi!’ Yinmi ching mungtsü tüsho achangbe ching müretah lashang!”

LUKNÜ ATHRÜTKHI THIYUSHEAK-ATSÜ HUHTANYU 2:13

Tüsho zukleangnü yinmirü boto yunirü lung Thrünpuh shide tüsho thade akhiuk:

LUKNÜ ATHRÜTKHI THIYUSHEAK-ATSÜ HUHTANYU 2:15

Küyimki yunirübo arü kheaknü yinmi lim tsoabahkhea, namfimihnu neakrübo khülangnü khülang ki thaachih, “Isanü Bethlehem lim yüanü tüsho Atungpuhnü isa ki mükheahshihkhi dünjia lanahnü kheahanü.”

LUKNÜ ATHRÜTKHI THIYUSHEAK-ATSÜ HUHTANYU 3:22

tüsho müthrithrümpü nangde Amüsüh Me api kheak aki, tüsho yinmi chingnü düsheak khülang arü, “Nü inü amuzhodakkhi tsührü; nü kheak inü tsüde mulong keamchoh.”

JOHAN 14:27

Inü nüsa lung mungtsü zojihchoh, I yo mungtsü inü nüsa kilim jihchoh; alominü ajihkhi yung nangde inü nüsa kilim jihchoh. Nüsa mulong düthsümünim, yungsho dütre.

JOHAN 17:4

Inü alomi ching nü müretahdo. Nünü I kilim rhimopü jihkhi rhimo bando.

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

YUNIRÜBO RHIMO 10:36

Thrünpuhnü Jisu Khrista–api ju alala yo Atungpuh– hode mungtsü yusheak atsü zhiyukpü Israel kilim thiyusheak yüshihkhi nüsanü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 5:1

Jumonü akin hode alim kamshihkhinü isa Tungpuh Jisu Khrista hode Thrünpuh lung isa mungtsü lah.

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

EFISIA 1:9

Tüsho Khrista ching apinü alümkihkhi atsü yande api aram lümkhi isa ki mükheahshih,

EFISIA 2:4

Tüshe Thrünpuh, shepü mihmüthsüm ching alarü la, apinü isa lümrhihkhi amuzho atonü,

EFISIA 2:7

junangde arübe lün ching Jisu Khrista ching isa muzhokhi makekhukbe api amüthsüm lakhitbo huhbah.

FILIPI 2:11

tüsho Abuh Thrünpuh müretahpü Jisu Khrista ju Atungpuh de thiyutha alalanü alokhibah.

FILIPI 2:13

tümüde amulongpü tüsho api lümkhi atsü rhimopü nü kheak rhimokhi ju Thrünpuh ah.

KOLOSI 1:20

tüsho alomi kheak yungsho yinmi ching thsüthsü, api sangkim thiyihnü mungtsü thsüde api hode anihbuh kheak tsüarihlo.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

AMIKHEAKAKHIUKKHI 5:13

Tüsho yinmi ching, alomi kheak, keto ching tüsho alala ching shiwühbo abannü athakhi inü so, “Kiulongthsü-binkiu kheak binbuh tüsho Namfimihnunu kilim müngühmühi, wüntre, müretah tüsho sühmüh lünnü lün laang!”