LUKNÜ ATHRÜTKHI THIYUSHEAK-ATSÜ HUHTANYU 19:46 - AMÜSÜH HÜM CL Bible (BSI)

⁴⁶ arü ki tha, “Ha thrüta lah, ‘I yam ju tamkhüntamnü yam ah, tüshe nüsanü jangkhijangrarü jikpung kamshihdo.’ ”

LUKNÜ ATHRÜTKHI THIYUSHEAK-ATSÜ HUHTANYU 19:46 Iomraidhean Croise

MUNGSHIKHÜN 93:5

Nü yakzanbo akheam müla, O Atungpuh , tüsho nü arüngyam amüsüh lah, lünnü akheam müla.

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

JEREMIA 7:11

Ha yam, I mungnü tamde ajikhi nüsa mük ki jangkhijangrarü jikpung kamdü de? Nüsanü mükheahlah, inü she kheahde lah, Atungpuhnü thachoh.

EZEKIEL 43:12

Ha arüngyam yakzan ah. Müzüng mujuk kheak lomi athrünkhi mükamphülapde khide amüsüh labah. Ha arüngyam yakzan ah.

HOSEA 12:7

Yinzüyindorü khah ching müdükkhi adünarabe shuhlah; apinü junopü muzhochoh.

MATHI 21:13

Tüsho apinü arü ki tha, “Ha thrüta lah, ‘I yam ki tamkhüntamnü yam de ajibah,’ tüshe nüsanü jangkhijangrarü jikpung kamshihchoh.”

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MARK 11:17

Judüki apinü arü ki thsangyude tha, “ ‘Trükshih alala thsungkheak I yam ki tamkhüntamnü yam de ajihbah’ de thrüta müla de? Tüshe nüsanü ju ahührü jikpung kamshihdo.”