LUKNÜ ATHRÜTKHI THIYUSHEAK-ATSÜ HUHTANYU 19:17 - AMÜSÜH HÜM CL Bible (BSI)

¹⁷ Tüsho apinü anihbuh ki tha, ‘Tsüde rhimodo, yamlarü atsü; tümütüsho nünü khide aninikhüh khülang ching thiyuro lado, kiuto 10 kurungkheak thiyukhüm-sühmüh ahoriang.’

LUKNÜ ATHRÜTKHI THIYUSHEAK-ATSÜ HUHTANYU 19:17 Iomraidhean Croise

THRÜNTAN 39:4

Junangde api miki Josep amuzho ngü, tüsho api tankih. Apinü anihbuh ju api yam kheahrü kamshih, tüsho api lakhi alala akhah ching jih.

MÜCHITMUDU 27:18

Shepünü khubasodung kümchonü ju sangaso tsühbah; junangde shepünü nihbuh putungrü aleangchonü wüntre jihbah.

MATHI 25:21

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’

LUKNÜ ATHRÜTKHI THIYUSHEAK-ATSÜ HUHTANYU 16:10

“Shepünü anükbe ching thiyuro lanü ahihkhüh ching she thiyuro labah; tüsho shepünü anükbe ching thiyuro mülanü ahihkhüh ching she thiyuro lapü yung.

LUKNÜ ATHRÜTKHI THIYUSHEAK-ATSÜ HUHTANYU 19:16

Judüki akhuhbuhnü arübah tha, ‘Atungrü, nü yo suna shonaknü suna shonak 10 yinbudo.’

LUKNÜ ATHRÜTKHI THIYUSHEAK-ATSÜ HUHTANYU 19:18

Tüsho mahnepü arübah tha, ‘Atungrü, nü yo suna shonaknü suna shonak 5 yinbudo.’

LUKNÜ ATHRÜTKHI THIYUSHEAK-ATSÜ HUHTANYU 22:30

junangde nüsanü I kiulongthsü ching I dükhüm kheak tsühyungbah, tüsho Israel trük thürükheak mahne mahkhapde kiulongthsü-binkiubo kheak binbah.”

ROMRÜ KILIM PAULNÜ ATHRÜTKHI KIHÜM HUHTANYU 2:29

Shepü alunglim lanü api Jihudarü ah tüsho atsütsü tsütabahkhi ju mulong tüsho me ah tüshe atsütsünü yung. Api mungshi ju mihtsürü kilimnü yung tüshe Thrünpuh kilimnü lah.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 TIMOTHI 2:10

Jumonü amokhitrü dünkheaknü inü lüpdükhi arümchoh, junangde arünü she Jisu Khrista ching lün müretah akhümkhit ngübah.

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.