LUKNÜ ATHRÜTKHI THIYUSHEAK-ATSÜ HUHTANYU 19:13 - AMÜSÜH HÜM CL Bible (BSI)

¹³ Jumonü apinü api yamlarü 10 kilim arü abande suna shonak 1 jih, tüsho arü ki tha, ‘I arü khiungde shothsümoloang.’

LUKNÜ ATHRÜTKHI THIYUSHEAK-ATSÜ HUHTANYU 19:13 Iomraidhean Croise

MATHI 25:16

Judüki suna shonak 5000 leangkhibuhnü yübah jurünü shothsübu, tüsho püpü alü 5000 kamshih.

MATHI 25:20

Jumonü shepünü suna shonak 5000 leangkhikheanü püpü suna shonak 5000 lude arübah tha, ‘Atungpuh, nünü I kilim suna shonak 5000 jih; kheangang, inü ju ching suna shonak püpü 5000 alü thsüjihdo.’

MATHI 25:22

“Shepünü suna shonak 2000 leangkhikheanü arübah tha, ‘Atungpuh, nünü I kilim suna shonak 2000 jih; kheahang, inü ju ching suna shonak püpü 2000 alü thsüjihdo.’

MATHI 25:24

“Judüki suna shonak 1000 leangkhibuhnü arübah tha, ‘Atungpuh, nü amüküp mihtsürü ah de inü mükheahlah; küching nünü mümükheankhea, ju ching nünü yimluchoh, tüsho küching nünü müjih muhiukhea, ju ching nünü hanmukhungchoh.

LUKNÜ ATHRÜTKHI THIYUSHEAK-ATSÜ HUHTANYU 19:12

Jumonü apinü tha: “Atorü khülang anihbuh kiulongthsürü kambah alode arüpü limshu lomi ching yü.

LUKNÜ ATHRÜTKHI THIYUSHEAK-ATSÜ HUHTANYU 19:14

Tüshe api mihtsürübonü anihbuh thranean, tüsho yunithsürü khülang api dunglim yüshihde tha, ‘Isanü ha mihtsürü isa kurungkheak kiulong müthsüshih.’

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

JAKOB 1:1

Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim: