LUKNÜ ATHRÜTKHI THIYUSHEAK-ATSÜ HUHTANYU 18:43 - AMÜSÜH HÜM CL Bible (BSI)

⁴³ Tüsho judüchokinü api mük khimshuh, tüsho Thrünpuh mung shide api dunglim yan. Tüsho mihtsürü alalanü ju ngüchoki Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 18:43 Iomraidhean Croise

MUNGSHIKHÜN 107:15

O, mihtsürübonü api tsükhi, tüsho mihtsürü tsührübo kilim api amüyinsahbe rhimokhibo thsungkheak Atungpuh kilim makshe jihkhülaa!

MUNGSHIKHÜN 107:8

O, mihtsürübonü api tsükhi, tüsho mihtsürü tsührü kilim api amüyinsahbe rhimokhibo thsungkheak Atungpuh kilim makshe jihkhülaa!

MUNGSHIKHÜN 146:8

Atungpuhnü müktukrü mükbo khimshuhjihchoh; Atungpuhnü mükhüma larü bemusuchoh; Atungpuhnü thiyuro-lungkirü muzhochoh.

MUNGSHIKHÜN 30:2

O Atungpuh , I Thrünpuh, arung thsungkheak inü nü ki zhi, tüsho nünü I thsüngu.

ISAIA 35:5

Judüki müktukrü mükbo khimshuhbah tüsho nükhünpeangrünü asobah;

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 43:21

mihtsürü sherü I thsungkheak kamshihkhea, junangde arünü I mung shikhi khipkhitbah.

MATHI 11:5

Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

MATHI 21:14

Müktukrü le jingkikrü arüngyam ching api kilim arü, tüsho apinü arü thsüngu.

MATHI 9:8

Küyimki botonü ju ngükhea, arünü müyinsah, tüsho mihtsürü kilim hadürü wu jihbuh Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 13:17

Küyimki apinü harü thakhea, api azhihrü alala achih ngüabah; tüsho apinü müretah rhimokhi alala dünkheaknü boto alalanü asühachih.

LUKNÜ ATHRÜTKHI THIYUSHEAK-ATSÜ HUHTANYU 19:37

Api Oliv Müzüng koyu thüninde alachoki, jingyanrü boto alalanü arünü wuto rhimo ngükhi dünkheak asühachihpü tankih tüsho düsheak achangnü Thrünpuh shijihde tha,

LUKNÜ ATHRÜTKHI THIYUSHEAK-ATSÜ HUHTANYU 4:39

Apinü yübah alibe ki zhipbah phütsak ju thürüh, tüsho anihbe kheaknü tsoabah; tüsho alibenü nahdü lang wusubah arü mozümodoa kip.

LUKNÜ ATHRÜTKHI THIYUSHEAK-ATSÜ HUHTANYU 5:26

Arü alala müyinsahde Thrünpuh shijih tüsho atrekhinü mide tha, “Isanü khihni mihmüyinsahbe ngüdo.”

LUKNÜ ATHRÜTKHI THIYUSHEAK-ATSÜ HUHTANYU 9:43

Tüsho Thrünpuh wüntremüretah dünkheaknü arü alalanü müyinsah. Tüshe Jisunü arhimokhi alala kheak mihbüm abannü müyinsahchoki, apinü ajingyanrübo ki tha,

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

YUNIRÜBO RHIMO 4:21

Jumonü küyimki arünü ane müzünkheanü ane thsümüchipü limro müyimkhitde mihtsürübo dünkheaknü ane tsoshih tümütüsho anenü arhimokhi alala thsungkheak arü alalanü Thrünpuh müretah.

GALATIA 1:24

Tüsho I dünkheaknü arünü Thrünpuh müretah.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.