LUKNÜ ATHRÜTKHI THIYUSHEAK-ATSÜ HUHTANYU 18:30 - AMÜSÜH HÜM CL Bible (BSI)

³⁰ ha lün ching alü thsüde aleangkhibah tüsho arübe lün ching akheam müla rhangdung ngübah.”

LUKNÜ ATHRÜTKHI THIYUSHEAK-ATSÜ HUHTANYU 18:30 Iomraidhean Croise

JOB HU H T ANYU 42:10

Tüsho Jobnü api müyamrübo thsungkheak tamkhüntamnüchoki Atungpuhnü Job müngühmühi jihlo; tüsho Atungpuhnü Job kilim püpüki lakhi mahne dün jih.

MUNGSHIKHÜN 119:103

Nü yubo küdükhüh she niungla, I mün ching mukhuke kheaknü aniungbe ah!

MUNGSHIKHÜN 119:111

Nü yukhümbo ju lünnü yamrüplurüp thsüde inü ludo, tümüde jurübo I mulong asühbe lah.

MUNGSHIKHÜN 119:127

Jumonü inü suna tüsho atsüdak suna kheaknü nü yukhümbo muzholah!

MUNGSHIKHÜN 119:162

Khürünü lakhit ngükhi nangde inü nü yu ching asühchoh.

MUNGSHIKHÜN 119:72

Nü mün ching yo yakzan ju I ki shotoyinchi nak tüsho suna chithürü kheaknü shoto ah.

MUNGSHIKHÜN 37:16

Mihbukmuyuk lakhit ahihdo kheaknü a thiyuro-lungkirü lakhit anikhüh atsübe ah;

MATHI 12:32

Khürünü Mihtsürü Tsührü azhihde athakhi neak bahjihbah; tüshe shepünü Amüsüh Me azhihde athabanü, ha lün yungsho arübe lün ching she api a neak mübahjih.

MATHI 4:24

Api dünkheak thiyusheak Siria alala ching soride yü, tüsho mihtsürübonü tukthsürü aphuaphu, thsünüthsüheanrü, amünean me yüzahkhi, zukleang-tukthsü tüsho thripshe-tukthsü larü api kilim bebah arü, tüsho apinü arübo thsüngujih.

1 TIMOTHI 4:8

pangnü mürangkhi ju alü khürü lah, tüshe akinnü mürangkhi ju limro alala ching lah, tümütüsho junü kheakü lakhi rhangdung tüsho arüpü lakhi rhangdung alokhikhibo ramlochoh.

1 TIMOTHI 6:6

suhdahlah de lümsho akinkhi ching alü ato lah;

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.