LUKNÜ ATHRÜTKHI THIYUSHEAK-ATSÜ HUHTANYU 18:24 - AMÜSÜH HÜM CL Bible (BSI)

²⁴ Tüsho küyimki Jisunü api khide mulong rozhakkhi ngükhea, apinü tha, “Lakhit larünü Thrünpuh kiulongthsü ching yüzahpü küdükhüh she chakla!

LUKNÜ ATHRÜTKHI THIYUSHEAK-ATSÜ HUHTANYU 18:24 Iomraidhean Croise

MUNGSHIKHÜN 10:3

Tümüde mihbukmuyuknü api mulong künkhi ching kükheangchoh; yihnelune mihtsürünü Thrünpuh athruchoh tüsho bahyukchoh.

MÜCHITMUDU 11:28

Shepünü nihbuh lakhitbo kheak kinchonü akeambah, tüshe thiyuro-lungkirü a aphüyak sangyü nangde tsüde akambah.

MÜCHITMUDU 18:11

Alarü lakhit ju api kiuto amüküp lah, arünü ju chipi achang nangde lümchoh.

MÜCHITMUDU 30:9

jude yungsho hihde alabah tüsho nü reanglode athabah, “Atungpuh ju she a?” Yungsho I zhochihbah tüsho ahühbah, tüsho I Thrünpuh mung müneanjihbah.

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

JEREMIA 5:5

I atorü kilim yübah tüsho arü ki asukanü; tsükjide arünü Atungpuh limro, arü Thrünpuh yakzan mükheahlah.” Tüshe arü rukhühnü sangkaplak yihshakdo, arü rhükkhi rukshakdo.

MARK 6:26

Kiulongthsüpuh khide mulong mütsüde alakheah; tütüshe thiyuchihchimkhi tüsho api ki binrü dünkheaknü apinü anihbe ki reanglopü mükün.

LUKNÜ ATHRÜTKHI THIYUSHEAK-ATSÜ HUHTANYU 18:23

Tüshe küyimki apinü ha sokhea, api khide mulong rozhakabah, tümüde api khide alarü lakheah.