LUKNÜ ATHRÜTKHI THIYUSHEAK-ATSÜ HUHTANYU 18:13 - AMÜSÜH HÜM CL Bible (BSI)

¹³ Tüshe rukthrebuhnü limshude zhip. Apinü thüning lim she abinkih-a mükheah, tüshe akhüh yümde tha, ‘Thrünpuh, I aneakrü ki amüthsüm laang!’

LUKNÜ ATHRÜTKHI THIYUSHEAK-ATSÜ HUHTANYU 18:13 Iomraidhean Croise

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

2 KIUTHSÜYUKHEAN 33:19

Api tamkhüntamnü, tüsho künangde Thrünpuhnü api tamkhüntamnü leangkhikhea, api neak alala tüsho api akin mülakhi, api mulong mümüthrichoki achang dangpungbo thsübah Ashera sangthsübo zhipshihkhi lopungbo angürü yukhean ching thrüta lah.

2 KIUTHSÜYUKHEAN 33:23

Abuh Manasenü azhihayihkhi nangde apinü Atungpuh miki mazhihayih tüshe ha buh Amonnü amülim alü thsüde rhimo.

EZRA 9:6

tüsho inü tha, “O I Thrünpuh, nü miki I miro huhpü khide achihlah. I Thrünpuh, tümüde isa müneannü isa ku alapdo; tüsho athsümünimkhinü thüning khiungdo.

JOB HU H T ANYU 42:6

Jumonü inü I mükhemükimchoh tüsho asungthulung le awahbo chingnü mulong müthrichoh.

MUNGSHIKHÜN 106:6

Isanü isa jipürü lung neak yihbeakdo, isanü amülim yihbeakdo, isanü mihbukmuyukde rhimodo.

MUNGSHIKHÜN 119:41

O Atungpuh , nü muzhodakkhi, nünü alokhikhi yande nü akhümkhit I kilim arüshang;

MUNGSHIKHÜN 130:7

O Israel, Atungpuh kheak mulonglamang; tümüde Atungpuh lung mihmüthsüm lah. Tüsho api lung arhokhitkhi muzhomopungde lah.

MUNGSHIKHÜN 25:11

O Atungpuh , nü mung chingnü I mülimkhi bahjang, tümüde ha tode lah.

MUNGSHIKHÜN 25:7

I athunu neakbo yungsho inü alakmihkhibo dülümkhitjih; nü muzhodakkhi tüsho nü tsükhi ching I lümkhitang, O Atungpuh !

MUNGSHIKHÜN 40:12

Tümüde mükhekhamkhi küpkhukbonü I mükamdoa lah; I neakbonü I zhihodo, jumonü inü mükheahkhuk; arübo I kuyübo kheaknü ahihbe ah; jumonü I mulong dükheakabahchoh.

MUNGSHIKHÜN 41:4

Inü tha, “O Atungpuh , I müthsümang; I thsüngujang, tümüde nü azhihde inü neak yihbeakdo.”

ABEKHIT 33:10

Küyimki mihtsürübonü amo dungto khimyam ripit ki zhipde angübanü, arü alala nihbuh khimyam ripit ki wusurü tüsho kingaün.

ISAIA 1:18

Kheakü arang, isa rukhühnü lümakheahanü, Atungpuhnü thachoh: nüsa neakbo mürümdo lalashe, jurübo phürüm nangde alabah; jurübo neakrümde mürümrüm she, shihnam nangde akambah.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

ISAIA 66:2

Harü alala I khahnü thrün, jumonü ha alala I yo, Atungpuhnü thachoh. Tüshe azhihayih tüsho mulong rholokhi, tüsho I yu sobah ajanrü kheak inü akheahbah.

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

DANIEL 9:5

isanü mihbukmuyuk rhimode tüsho azhihde nü yukhümbo tüsho yuzüngbo kheaknü rholobah tsode neak yihbeakdo tüsho amülim thsüdo.

MATHI 10:3

Philip tüsho Bartholoma; Thoma tüsho ruk-threbuh Mathi; Alphia tsührü Jakob, tüsho Thadia;

MATHI 6:5

“Küyimki nüsanü tamkhüntamnübanü yiuhkhaprübo nangde düthsü, tümüde arünü mihtsürübonü angüshihpü sinagogbo ching le kiudunglimrobo kheak zhipbah tamkhüntamnüpü mürühchoh. Inü nüsa ki thiyuro thachoh, arü thsambah ngüabahdo.

MATHI 9:13

Yüang tüsho ha amütsan anikhitang: Inü mihmüthsüm lunelah, tüsho laksah-a kingaünkhi yung. Tümütüsho amüsührü yungde amüneanrü jipü I arükheah.”

MARK 11:25

Tüsho küyimki nü zhipbah tamkhüntamnüba, khürü kheak nü azhihkhi tümükhüh lasho, api neak bahjang, junangde yinmi ching nü Buhnü she nü neak bahjihbah.

LUKNÜ ATHRÜTKHI THIYUSHEAK-ATSÜ HUHTANYU 17:12

Api kiulong khülang ching yüzahchoki, aphamrü mihtsürü 10 limshude zhipbah api shoru.

LUKNÜ ATHRÜTKHI THIYUSHEAK-ATSÜ HUHTANYU 22:41

Tüsho apinü arü kheaknü lunghit 1 bande yübah khukning tüsho tamkhüntamnü,

LUKNÜ ATHRÜTKHI THIYUSHEAK-ATSÜ HUHTANYU 23:48

Tüsho ju ching mukhungkhi boto alalanü ju dünjikhi ngübah arü khühbo yüm tüsho alode tso.

LUKNÜ ATHRÜTKHI THIYUSHEAK-ATSÜ HUHTANYU 5:8

Tüshe küyimki Simon Peternü ju ngükhea, apinü Jisu mukhukbo ki khukningde tha, “I kinü chamachihang, tümüde I a aneakrü mihtsürü ah, O Atungpuh.”

YUNIRÜBO RHIMO 2:37

Küyimki arünü ha sokheanü arü küpkhukde kam, tüsho Peter le aningkhi amüsüh-thsangyurübo ki tha, “Keoniorübo, isanü küde athsüba?”

ROMRÜ KILIM PAULNÜ ATHRÜTKHI KIHÜM HUHTANYU 5:8

Tüshe isa aneakrü lachoki isa thsungkheak Khrista shekhinü Thrünpuhnü isa thsungkheak api muzho huh.

2 KORINT 7:11

Ha Thrünpuh lümkhi yande mulong tukthsükhinü nüsa kheak tümü akhiukshih-a lanü kheahang: azhihayihkhi, nüsa müsühde alapü mulongdakkhi, thiyuro, bukakhiukkhi, lamlamsahdo, künsahde, lümrhihpü, thiyuro rhimo kheahpü thsakham. Hadürü alala ching nüsa müsühde alakhi mütsan.

1 TIMOTHI 1:15

Aneakrü khümkhitpü Jisu Khrista ha lomi ching arükheah de athakhi atsütsü tüsho dükde aleangkhibe athülün lah, tüsho arü kheaknü I amütsübe ah;

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

IBRI 8:12

Tümüde arü mülimkhibo lim inü mihmüthsüm labah, tüsho inü arü neakbo kheaküa mülümkhit.”