LUKNÜ ATHRÜTKHI THIYUSHEAK-ATSÜ HUHTANYU 18:11 - AMÜSÜH HÜM CL Bible (BSI)

¹¹ Pharisibuhnü zhip tüsho tamkhüntamnü, ‘Thrünpuh, I a püpürü mihtsürübo–jangkhijangrarü, thiyuro mülarü, müzammüramrü, yungsho ha ruk-threbuh nangde mülakhi hode nü ki makshe jihchoh.

LUKNÜ ATHRÜTKHI THIYUSHEAK-ATSÜ HUHTANYU 18:11 Iomraidhean Croise

MUNGSHIKHÜN 134:1

Nüsa Atungpuh tankihrübo alala, azhing ching Atungpuh yam ching zhiprü, Atungpuh shiang!

MUNGSHIKHÜN 135:2

Nüsa sherü Atungpuh yam ching, Atungpuh isa Thrünpuh khikzhakpung ching zhipcho,

MÜCHITMUDU 20:6

Mihtsürü ahihdonü nihbuh tsükhi thachoh, tüshe thiyuro mihtsürü shepünü ayimkhitkhukba?

MÜCHITMUDU 30:12

Mihtsürü khürü arü nihbuh tsangkhitlah de alümrü lah tüshe arü müneankhi müsüh-a mübah.

ISAIA 1:15

Küyimki nüsanü nüsa khah chungkhitbanü, nüsa kheaknü I mükbo jikabahbah; nüsanü khide tamkhüntamnünü she, inü mani; nüsa khahbo thiyihnü milah.

ISAIA 58:2

Tütüshe nimung abande arünü I yimchoh tüsho I limrobo mükheahpü asühchoh, arü ju thiyuro-lungki lakhi trükshih tüsho arü Thrünpuh yuzüng mübahyukkhi nangde; arünü I ki thiyuro-lungki mahkhapbo keokhichoh, arünü Thrünpuh kilim thüninpü asühchoh.

ISAIA 65:5

shepünü thacho, “ Nü khanguhang, I thüninde darü, tümüde nü thsungkheak a I khide amüsüh lah.” Harübo I nupung ching mokhüh ah, nimung amuyung takkhi mo lah.

JEREMIA 2:28

Tüsho nünü nü thsungkheak thsükhi thrünpuhbo küching la? Nü küpkhuk kim ching arünü nü khümkhitkhukpü lasho arü arüshang; O Juda, nü kiutobo lakhi nangde nü thrünpuhbo hihde lah.

JEREMIA 2:35

nünü thachoh, “ I amülim müla; tsükjide api bukakhiukkhi I kheaknü rholode tsodo.” Kheakü inü, “ Inü neak müyihbeak” de athamonü nü kilim mahkhap handarüchoh.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MATHI 10:3

Philip tüsho Bartholoma; Thoma tüsho ruk-threbuh Mathi; Alphia tsührü Jakob, tüsho Thadia;

MATHI 5:20

Tümüde nüsa thiyurolungkinü Pharisirü tüsho yakzan thsangyurü müzhihosho tsükjide yinmi kiulongthsü ching müyüzah de inü nüsa ki thachoh.

MATHI 6:5

“Küyimki nüsanü tamkhüntamnübanü yiuhkhaprübo nangde düthsü, tümüde arünü mihtsürübonü angüshihpü sinagogbo ching le kiudunglimrobo kheak zhipbah tamkhüntamnüpü mürühchoh. Inü nüsa ki thiyuro thachoh, arü thsambah ngüabahdo.

MARK 11:25

Tüsho küyimki nü zhipbah tamkhüntamnüba, khürü kheak nü azhihkhi tümükhüh lasho, api neak bahjang, junangde yinmi ching nü Buhnü she nü neak bahjihbah.

LUKNÜ ATHRÜTKHI THIYUSHEAK-ATSÜ HUHTANYU 20:47

shepünü khimoberü yam muyucho, tüsho rük thsüde ashangshang tamkhüntamnücho. Harübo abahyukkhi atobe leangkhibah.”

LUKNÜ ATHRÜTKHI THIYUSHEAK-ATSÜ HUHTANYU 22:41

Tüsho apinü arü kheaknü lunghit 1 bande yübah khukning tüsho tamkhüntamnü,

GALATIA 3:10

Yakzan rhimo kheak angükihrü alala muthrumünean khüp lah, tümüde ha thrüta lah: “Yakzan hüm ching thrütkhi yande mülarü tüsho ju mürhimorü aban muthrumünean thsang.”

FILIPI 3:6

mulong sümsüm yandüa borü thsümüchirü; thiyuro-lungki yandüa yakzan bukkhüp amudopü müla.

AMIKHEAKAKHIUKKHI 3:17

Tümüde nünü thachoh, I alarü ah, I lalim tsülah, tüsho I tümü yihnüpü müla; tüshe nünü nü a küpkhuk, amuzhobe, zhochihrü, müktukrü, tüsho bünkeang ah de mümükheah.