LUKNÜ ATHRÜTKHI THIYUSHEAK-ATSÜ HUHTANYU 18:1 - AMÜSÜH HÜM CL Bible (BSI)

¹ Judüki arünü kamruhroro tamkhüntamnüpü tüsho mulong müninipü thsangyude api jingyanrübo ki Jisunü shihdanglimyu tha.

LUKNÜ ATHRÜTKHI THIYUSHEAK-ATSÜ HUHTANYU 18:1 Iomraidhean Croise

MUNGSHIKHÜN 102:17

Apinü abahyukkhi mihtsürübonü tamkhüntamnükhi leangkhijihbah, tüsho arü tamkhüntamnükhi mükhemükim müthsü.

MUNGSHIKHÜN 27:13

Rhangdung lakhi lomi ching inü Atungpuh tsükhi ngübah de inü kinlah!

MUNGSHIKHÜN 65:2

O nü shepünü tamkhüntamnü socho, nü kilim mihtsürü alala arübah.

MUNGSHIKHÜN 86:3

I ki müthsümang, O Atungpuh , tümüde inü nimung amuyung nü ki zhichoh.

ISAIA 40:31

tüshe sherünü Atungpuh aleangchonü arü sühmüh aso kambah, arünü müleangbo nangde ghibonü aphinbah, arünü alihbah tüsho mükeak, arünü atsahbah tüsho sühmükeakea.

ISAIA 62:7

tüsho Jirusalem mülaloyi khiungde tüsho alominü müshijihyi khiungde, api sühakhim müjihbeah.

JEREMIA 29:12

Judüki nüsanü I ki jichoki tüsho arübah I ki tamkhüntamnüchoki, inü nüsa ki anibah.

JONA 2:7

I rhangdung keamyukde atsochoki, inü Atungpuh lümkhit; tüsho I tamkhüntamnü, nü amüsüh arüngyam ching arü.

LUKNÜ ATHRÜTKHI THIYUSHEAK-ATSÜ HUHTANYU 11:10

Tümütüsho shepünü kheangchonü leangkhichoh, tüsho shepünü yimchonü ngüchoh, tüsho shepünü thrungchonü api kilim khimshuhjihbah.

LUKNÜ ATHRÜTKHI THIYUSHEAK-ATSÜ HUHTANYU 21:36

Jumonü kamruhroro kurhangang tüsho tamkhüntamnüang, junangde harü alala dünjichoki nünü atsokhitkhukbah tüsho Mihtsürü Tsührü miki zhipkhukbah.”

ROMRÜ KILIM PAULNÜ ATHRÜTKHI KIHÜM HUHTANYU 12:12

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

2 KORINT 4:1

Jumonü Thrünpuh mihmüthsüm hode ha tankihpü lakhinü, isa mulong müninichoh.

GALATIA 6:9

Tüsho isanü atsü rhimokhi ching mükeaksahnü, tümüde isanü mahiungsho kim dükdü ching yimlubah.

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

KOLOSI 4:2

Makshe jihkhi ching kurhangde, müdüchingde tamkhüntamnüpü ching düküngang;

1 TESALONIKA 5:17

müdüchingde tamkhüntamnüang,

1 SAMUEL 1:12

Alibenü mutuklode Atungpuh ki tamkhüntamnüchoki, Elinü anihbe mün kheahyuk.