LUKNÜ ATHRÜTKHI THIYUSHEAK-ATSÜ HUHTANYU 17:30 - AMÜSÜH HÜM CL Bible (BSI)

³⁰ Mihtsürü Tsührü amikheak akhiukkhi nimung ching junangde alabah.

LUKNÜ ATHRÜTKHI THIYUSHEAK-ATSÜ HUHTANYU 17:30 Iomraidhean Croise

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 24:3

Kheakü api Oliv Müzüngbo kheak binde alachoki jingyanrübonü api kilim mükhingde arübah tha, “Harü küyimki dünjibanü isa ki thaang? Tüsho nü arükhi le lün akheam amütsan tümü laba?”

MATHI 24:37

Noa nimungbo ching nangde, Mihtsürü Tsührü arükhi labah.

MATHI 24:39

tüsho keking arübah arü alala hande mutsoyi khiungde mümükheah, junangde Mihtsürü Tsührü arükhi labah.

MATHI 26:64

Jisunü api ki alo, “Nünü thado. Tüshe inü nüsa ki thachoh, ha dunglim Mihtsürü Tsührü ju Wuto khah tsülim binbah yinmi amo ching arükhi nüsanü angübah.”

MARK 13:26

Judüki Mihtsürü Tsührü wu tüsho müretah ato lade amo ching arükhi arünü angübah.

LUKNÜ ATHRÜTKHI THIYUSHEAK-ATSÜ HUHTANYU 17:24

Tümütüsho chinchobenü thüning thripkhühnü thüning khülim khiungde aphürapkhi nangde Mihtsürü Tsührü ju api nimung ching jude alabah.

LUKNÜ ATHRÜTKHI THIYUSHEAK-ATSÜ HUHTANYU 17:29

tüshe Lot Sodom chingnü wukhiuk nimung yinmi chingnü mo tüsho molung akibah arü alala dükheakshih.

LUKNÜ ATHRÜTKHI THIYUSHEAK-ATSÜ HUHTANYU 21:22

Tümüde harü ju royimkhi nimungbo lah, junangde thrüta lakhi alala dünjibah.

LUKNÜ ATHRÜTKHI THIYUSHEAK-ATSÜ HUHTANYU 21:27

Judüki arünü Mihtsürü Tsührü wu tüsho müretah ato lade amo ching arükhi ngübah.

1 KORINT 1:7

junangde isa Atungpuh Jisu Khrista amikheak akhiukpü nüsanü aleangkhi ching me thsambah tümü ching she nüsa muzholüm;

1 KORINT 1:8

apinü akheam khiungde nüsa kümbah, junangde isa Atungpuh Jisu Khrista nimung ching nüsa amülim mülade alabah.

KOLOSI 3:4

Küyimki isa rhangdung lakhi, Khrista akhiukbanü, nü she müretahkhi ching api lung akhiukbah.

2 TESALONIKA 1:7

tüsho thsünüde alarü nüsa le isa kilim sühakhim jihbah. Ha yinmi chingnü api yo wulakhi yunirübo lungnü mo trude Atungpuh Jisu amikheak akhiukchoki dünjibah.

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

1 PETER 4:13

Tüshe Khrista thsünükhi ching shihcham lukhi asühachihang, junangde api müretah akhiukchoki nüsa asühachihbah,

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.