LUKNÜ ATHRÜTKHI THIYUSHEAK-ATSÜ HUHTANYU 17:25 - AMÜSÜH HÜM CL Bible (BSI)

²⁵ Tüshe akhuhde apinü hihde thsünübah tüsho ha lünnü abahyukbah.

LUKNÜ ATHRÜTKHI THIYUSHEAK-ATSÜ HUHTANYU 17:25 Iomraidhean Croise

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

MATHI 16:21

Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih.

MATHI 21:42

Jisunü arü ki tha, “Nüsanü amüsühyubo ching mükheakheah de: ‘Thüyam-thsürünü abahyukkhi lung ju amühit-lung kamdo; Atungpuhnü ha rhimodo, tüsho ha isa mük ki amüyinsahbe lah’?

MARK 10:33

“Kheahang, isa Jirusalem lim wutuchoh, tüsho Mihtsürü Tsührü ju amükeam putungrübo le yakzan thsangyurü kilim thsungyuka jihbah, arünü api bahyuka sheshihbah tüsho khiungkerü kilim jihbah;

MARK 12:10

Nüsanü amüsühyu ha mükhe de: ‘Thüyam thsürübonü abahyukkhi lung ju adungtobe amühit-lung kamdo.

MARK 8:31

Tüsho apinü Mihtsürü Tsührü ju khide thsünübah, azothsürü le amükeam putungrü tüsho athrütrübonü abahyukbah, alaksahbah, tüsho nimung mahsam dunglim asürülobah de arü ki thsangyupü tankih.

MARK 9:31

Tümüde apinü ajingyanrübo ki thsangyu tüsho arü ki tha, “Mihtsürü Tsührü ju mihtsürübo khah ching yukjihbah, tüsho arünü api laksahbah, tüsho api laksah dunglim, asam nipü arhang kamlobah.”

LUKNÜ ATHRÜTKHI THIYUSHEAK-ATSÜ HUHTANYU 18:31

Judüki apinü thürükheak mahne ju bemuwuh tüsho arü ki tha, “Kheahang, isa Jirusalem lim wutuchoh, tüsho Mihtsürü Tsührü dünkheak wukihrübonü athrütkhi alala adünjibah.

LUKNÜ ATHRÜTKHI THIYUSHEAK-ATSÜ HUHTANYU 18:33

Arünü api rhapbah tüsho asheshihbah. Tüsho mahsam nipü api arhang kamlobah.”

LUKNÜ ATHRÜTKHI THIYUSHEAK-ATSÜ HUHTANYU 24:46

Judüki apinü arü ki tha, “Ha thrüta lah, tüsho junangde Khrista ju thsünübah nimung asampü ching arhang kamlopü lakheah,

LUKNÜ ATHRÜTKHI THIYUSHEAK-ATSÜ HUHTANYU 9:22

Tüsho apinü tha, “Mihtsürü Tsührü khide thsünübah, tüsho azothsürübo le amükeam putungrübo tüsho yakzan thsangyurübonü bahyukde alaksahbah tüsho nimung mahsam nipü arhang kamlobah.”

JOHAN 1:11

Api nihbuh lomi lim arü, tüshe nihbuh mihtsürünü api müleangkhi.

JOHAN 12:38

junangde wukihrü Isaianü athakhi yu dünjipü lakheah: “Atungpuh, shepünü isa yusheak kinkhea? Tüsho shepü ki Atungpuh khah akhiuka huhkhea?”

1 SAMUEL 10:19

Tüshe khihni nüsanü nüsa Thrünpuh shepünü nüsa thsümütsü dünjikhi tüsho lümthsünübo chingnü khümkhitchonü api bahyuk; tüsho nüsanü tha, ‘Yung! tüshe kiulongthsürü khülang isa kurungkheak zojang.’ Jumonü kheakü nüsanü Atungpuh miki nüsa trükbo tüsho gukbo ayannü mukhungang.”

1 SAMUEL 8:7

tüsho Atungpuhnü Samuel ki tha, “ Mihtsürübonü nü ki thakhi arü düsheak alala ching anijang; tümüde arünü nü mübahyuk, tüshe arü kurungkheak kiulongthsürü zokhi hode I bahyukdo.