LUKNÜ ATHRÜTKHI THIYUSHEAK-ATSÜ HUHTANYU 16:8 - AMÜSÜH HÜM CL Bible (BSI)

⁸ Junangde aputungrünü thiyuro mülakhi khinkihthsübuh ju tsülah de tha tümütüsho apinü rük lade rhimo. Tümütüsho ha lomi tsührübo ju arü lün ching ayin tsührübo kheaknü rük labeah.

LUKNÜ ATHRÜTKHI THIYUSHEAK-ATSÜ HUHTANYU 16:8 Iomraidhean Croise

THRÜNTAN 3:1

Kheakü Atungpuh Thrünpuhnü athrünkhi shiwüh alala kheaknü phuruto ju rük amütsü lakheah. Tüsho phurutonü alibe ki keokhi, “Atsütsü shahwün ching lakhi sangdung küpü kheaknü she mütsühpü Thrünpuhnü thadü de?”

2 SAMUEL 13:3

Tüshe Amnon müyambuh khülang amung Jonadab, David akhiung Shimea tsührü lakheah; tüsho Jonadab ju rük ayuk mihtsürü lakheah.

2 KIULONG THSÜRÜ 10:19

Kheakü jumonü Baal wukihrübo alala, api kingaünrü alala, tüsho api amükeamrü alala I ki jimukhungang; sheshe daningshih, tümüde inü Baal ki laksah-a kingaünkhi jihpü ato lah; shepü mülabanü api rhangdung mülashih.” Tüshe Jehu nü Baal kingaünrü laksahpü rük thsüde rhimode alakheah.

MUNGSHIKHÜN 17:14

O, Atungpuh , hadürü mihtsürü ha rhangdung ching shihcham larü, jika lakhi nü lakhitnü bukthsüshihkhi khah chingnü I khümkhitang. Arü tsührübo kheak arü reangkeamchoh, tüsho arünü arü tsührübo khilim lakhit thsakhama zochoh.

ABEKHIT 1:10

Thirithsü akhiuksho arünü isa riri lung bebah isa kheak thirithsübah tüsho isa lomi bahjihbah atsobah. Jumonü arü wüh bukhi zhipdopü isanü limro khürü yimbeah.”

MÜCHITMUDU 12:8

Mihtsürü ju api lümlung ayannü shijihchoh, tüshe lüm amütsü mihtsürü a khenoabahchoh.

MATHI 12:32

Khürünü Mihtsürü Tsührü azhihde athakhi neak bahjihbah; tüshe shepünü Amüsüh Me azhihde athabanü, ha lün yungsho arübe lün ching she api a neak mübahjih.

MATHI 17:26

Peternü alo, “Khiungkerübo.” Jisunü api ki tha, “Dale tüsho mihkhungrü a zuzu labah.

LUKNÜ ATHRÜTKHI THIYUSHEAK-ATSÜ HUHTANYU 16:10

“Shepünü anükbe ching thiyuro lanü ahihkhüh ching she thiyuro labah; tüsho shepünü anükbe ching thiyuro mülanü ahihkhüh ching she thiyuro lapü yung.

LUKNÜ ATHRÜTKHI THIYUSHEAK-ATSÜ HUHTANYU 16:4

Tümü rhimobeanü inü mükheahdo, junangde küyimki I khinkihthsükhi chingnü ayankhitbanü, arünü arü yambo ching I beyukbah.’

LUKNÜ ATHRÜTKHI THIYUSHEAK-ATSÜ HUHTANYU 16:7

Jushu apinü püpürü ki tha, ‘Tüsho nünü küdükhüh züngla?’ Jumonü apinü alo, ‘Wheat hi shungliu-qiuqiu 1000.’ Tüsho apinü tha, ‘Nü yo khemütsan-hüm lubah 800 thrütang.’

LUKNÜ ATHRÜTKHI THIYUSHEAK-ATSÜ HUHTANYU 18:6

Judüki Atungpuhnü tha, “Thiyuro mülakhi mahkhaprünü tümü thakheanü aniake.

LUKNÜ ATHRÜTKHI THIYUSHEAK-ATSÜ HUHTANYU 20:34

Jisunü arü ki tha, “Ha lün tsührübonü rhangchoh tüsho yamkhün thsüchoh.

LUKNÜ ATHRÜTKHI THIYUSHEAK-ATSÜ HUHTANYU 20:35

Tüshe sherü ju lün ching athülün kheba, tüsho ashe chingnü arhang kamlobanü, mürhang yungsho yamkhün müthsü;

JOHAN 12:36

Nüsanü ayin lachoki ayin kheak kinang, junangde nüsa ju ayin tsührübo kambah.” Jisunü harü thabah chamachih, tüsho arü kheaknü jikabah.

1 KORINT 3:18

Sheshe nihbuh küdah thsüde düthsungyukshih. Nüsa bolung khürünü ha lün ching api lümlung larü ah de lümsho, api makharü kamshang, junangde api lümlung larü kambah.

EFISIA 5:8

tümüde nüsa khülangki amiting ching lakheah, tüshe kheakü nüsa Atungpuh lung ayin ching lah; ayin tsührübo nangde laang

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

1 TESALONIKA 5:5

Tümüde nüsa alala ayin tüsho animung tsührübo ah; isa ju azhing yungsho amiting yo yung.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.