LUKNÜ ATHRÜTKHI THIYUSHEAK-ATSÜ HUHTANYU 16:26 - AMÜSÜH HÜM CL Bible (BSI)

²⁶ Tüsho ha alala kheak khiode, isa le nüsa dükeak asük ato lah, junangde ha chingnü nüsa kilim hode ayüpü künrünü mukuk yungsho ju chingnü isa kilim marükhuk.’

LUKNÜ ATHRÜTKHI THIYUSHEAK-ATSÜ HUHTANYU 16:26 Iomraidhean Croise

MUNGSHIKHÜN 49:14

Namfimihnu nangde ashepü arü akhua lah; ashekhinü arü aheangbah; alungkirünü arü kheak yapsu yakzan shuhbah; arü pangbo ju arü lapung chingnü limshude alakhi kiuyuk ching shuh-a bahbah.

MUNGSHIKHÜN 50:22

Kheakü ha lümakheahang, nüsa Thrünpuh mihrü, jude yungsho inü nüsa adütre kamde ayihthünakbah, tüsho nüsa bekhitrü she mülade alabah:

EZEKIEL 28:24

Israel yamkhünnü kheaküa amükeakbe khingphu yungsho achinkhitbe ayang arü bahyukde arhimorü arü yamhingrü bolung müngü. Tüsho I Atungpuh de arünü mükheahbah.

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

LUKNÜ ATHRÜTKHI THIYUSHEAK-ATSÜ HUHTANYU 12:59

Inü nüsa ki thachoh, nünü akheamkhibe shonak khiungde müjihyikia nü ju chingnü makhiukkhuk.”

LUKNÜ ATHRÜTKHI THIYUSHEAK-ATSÜ HUHTANYU 16:25

Tüshe Abrahamnü alo, ‘I tsah-a, nü rhangdung atsü ngüdo tüsho Lazar amütsü ngüdo de lümkhitang, tüshe kheakü ha ching sühakhimde lah tüsho nü a thsümüchi ching lah.

LUKNÜ ATHRÜTKHI THIYUSHEAK-ATSÜ HUHTANYU 16:27

Judüki apinü tha, ‘Abuh, jumonü api I buh yamkhün kilim yüshang de inü nü ki mushuchoh,

JOHAN 3:36

Shepünü atsührü kheak kinchonü akheam müla rhangdung lah; tüsho shepünü atsührü mükinnü rhangdung müngü, tüshe api kheak Thrünpuh bukakhiukkhi lah.

AMIKHEAKAKHIUKKHI 20:10

tüsho arü mülapyukbuh amünean ju shiwüh le arükchih wukihrübo lapung modüjim ching jipyuk, tüsho arübo azhing ayin lünnü lün thsümüchibah.

AMIKHEAKAKHIUKKHI 22:11

Amütsü rhimorünü judü lang amütsü rhimoshang, tüsho amüneanrünü müneanshang, thiyuro-lungkirünü alim rhimoang, tüsho amüsührünü müsühde laang.”

1 SAMUEL 25:36

Abigailnü Nabal kilim arü; kiulongthsürü thünio nangde, api yam ching thüniode alakheah. Nabal mulong ching asühkhi lakheah, tümüde api müshanga lakheah; jumonü yapsu mukhiungyikia alibenü api ki tümü she mütha.