LUKNÜ ATHRÜTKHI THIYUSHEAK-ATSÜ HUHTANYU 16:24 - AMÜSÜH HÜM CL Bible (BSI)

²⁴ Judüki apinü jide tha, ‘Abuh Abraham, I ki muzhoang, tüsho Lazar thiyibah api yingkhing ke ching athsobah I mulo rüngshang; tümüde I ha motru ching rungsahde lah.’

LUKNÜ ATHRÜTKHI THIYUSHEAK-ATSÜ HUHTANYU 16:24 Iomraidhean Croise

JOB HU H T ANYU 20:21

Apinü tsühabahshu tümü she maning, jumonü api lalimlako tsükhi mütsüp.

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

ISAIA 66:24

Tüsho arünü awukhiukbah tüsho I azhihde alakmihkhi mihtsürü ashemibo kheak kheahbah: tümüde musobo müshe, arü takkhi mo küyimkishe mümüt tüsho mihtsürü alala miki arübo athraneanbe labah.

ZEKARIA 14:12

Ha Jirusalem azhihde thirithsürü mihtsürü alala kheak Atungpuhnü ashikpü arüm-tukthsü lah: arü jing kihde alachoki arü yin shuhbah; arü mükbo tüsho arü mulobo shuhabahbah.

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MATHI 3:9

tüsho nüsa küdah thsüde, ‘Abraham ju isa abuh ah,’ de athapü dülüm. Tümüde Thrünpuhnü harü lungbo kheaknü Abraham kilim tsührübo akhiukshihkhuklah de inü nüsa ki thachoh.

MATHI 5:22

Tüshe shepünü nihbuh keoniorü ki bukakhiukbanü mahkhap ching bedarübah. Shepünü nihbuh keoniorü ki makharü de athabanü kiuthsü-binkiu miki bedarübah, tüshe shepünü aduhrü de athabanü thsümüchi motru ching atrebe labah.

LUKNÜ ATHRÜTKHI THIYUSHEAK-ATSÜ HUHTANYU 16:30

Tüsho apinü tha, ‘Yung, abuh Abraham; tümüde khürü ashekhi chingnü arü kilim yüsho arünü mulong müthribah.’

LUKNÜ ATHRÜTKHI THIYUSHEAK-ATSÜ HUHTANYU 19:9

Tüsho Jisunü api ki tha, “Khihni ha yam ching akhümkhit arüa lah, tümütüsho api she Abraham tsührü ah;

LUKNÜ ATHRÜTKHI THIYUSHEAK-ATSÜ HUHTANYU 3:8

Mulong müthrikhi ayede aso asoang, tüsho nüsa küdah thsüde, ‘Isa abuh Abraham lah’ de athapü dütankih; tümüde inü nüsa ki thachoh, Thrünpuhnü harü lungbo chingnü Abraham tsührübo asürüshihpü kuklah.

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JOHAN 7:37

Thünio ato akheam nimung Jisunü zhipbah zhide tha, “Khürü kethürisho, api I kilim arübah yungshang.

ROMRÜ KILIM PAULNÜ ATHRÜTKHI KIHÜM HUHTANYU 4:12

Tüsho api ju tsütabahrü thsungkheak lang yung tüshe api tsütamübahyichoki isa abuh Abraham akin jingshu ching tsahrü tsütabahrü abuh ah.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

JAKOB 3:6

Tüsho mulo ju mo ah. Ha isa pang shihcham bolung amütsü lomi, pang athrünkhi thsümünimjihde, thsümüchi chingnü arükhi mo kheak rhangdung athrünkhi yihkih-a takchoh.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

1 SAMUEL 28:16

Samuelnü tha, “Dale tümü thsükhi nünü I ki keokhicho, tümüde Atungpuh nü kheaknü tsoabahdo tüsho nü riri kamdo?