LUKNÜ ATHRÜTKHI THIYUSHEAK-ATSÜ HUHTANYU 16:23 - AMÜSÜH HÜM CL Bible (BSI)

²³ Thsümüchipung ching apinü zünga kheah tüsho limshu ching Abraham ju akhüh ching Lazar lade ngü.

LUKNÜ ATHRÜTKHI THIYUSHEAK-ATSÜ HUHTANYU 16:23 Iomraidhean Croise

MUNGSHIKHÜN 16:10

Tümüde nünü I Ashe-lomi ching jihamübah, yungsho nü yo amüsühbuhnü ashekhi müngüshih.

MUNGSHIKHÜN 49:15

Tüshe Thrünpuhnü ashepü wu chingnü I khümkhitbah, tümüde apinü I leangkhibah.

MUNGSHIKHÜN 86:13

Tümüde I kilim nü amüthsüm ju ato ah, tüsho Ashe-lomi asük chingnü nünü I me bekhit.

MUNGSHIKHÜN 9:17

Mihbukmuyuk Ashe-lomi ching yübah, Thrünpuh bahyukrü trükshih alala.

MÜCHITMUDU 15:24

Lümlung larü mihtsürünü ashepü limro lim yungde rhangdung limro lim bede awutukhi ching tsahchoh.

MÜCHITMUDU 5:5

Anihbe jing ashepü ching yüzahchoh, anihbe jingdükübo kiuyuk lim lah.

MÜCHITMUDU 7:27

Alibe yam ju kiuyuk limro lah, ashe khiungshakbo lim yükichoh.

MÜCHITMUDU 9:18

Tüshe ju ching ashepü lah, anihbe hanrübo ju Ashe-lomi asükbo ching lah de apinü mümükheah.

ISAIA 14:15

Tüshe nü Ashe-lomi ching, Alokhün ching hande yüzahdo.

ISAIA 14:9

“ Nü arüchoki shorupü abukkhüp lakhi Ashe-lomi rhumusua lah; nü shorupü mebo asürüchoh, sherübo alala alomi limberübo lakhea; trükshih kiulongthsürü mebo alala arü kiulongthsü-binkiu kheaknü asürüchoh.

MATHI 11:23

Tüsho nü, Kapernaum, shepü thüning ching shuhkih-a lanü thsümüchi ching thokhibah; tümüde nü kheak rhimokhi wuto rhimobo Sodom ching rhimokhülaa, ju khihni khiungde laa labah.

MATHI 18:9

Tüsho nü müknü nü neak yihbeakshihsho, nü kheaknü ju khünkhita bahang. Mük mahne kihbah thsümüchi motru ching jipyukpü dün a nü thsungkheaknü mük khülang kihbah rhangdung lapung ching yüzahkhi atsübe ah.

MATHI 23:33

Nüsa phurutobo, phuruto tsührübo! Athsümüchi chingnü nüsanü küde thsah atsokhitpü?

MATHI 5:22

Tüshe shepünü nihbuh keoniorü ki bukakhiukbanü mahkhap ching bedarübah. Shepünü nihbuh keoniorü ki makharü de athabanü kiuthsü-binkiu miki bedarübah, tüshe shepünü aduhrü de athabanü thsümüchi motru ching atrebe labah.

MATHI 5:29

Nü mük tsülimnü nü neak yihbeakshihsho, ju khünkhita bahang. Nü pang alala thsümüchipung ching jipyukpü dün a nü jingkhah khürü dükheakkhi atsübe ah.

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

LUKNÜ ATHRÜTKHI THIYUSHEAK-ATSÜ HUHTANYU 16:24

Judüki apinü jide tha, ‘Abuh Abraham, I ki muzhoang, tüsho Lazar thiyibah api yingkhing ke ching athsobah I mulo rüngshang; tümüde I ha motru ching rungsahde lah.’

LUKNÜ ATHRÜTKHI THIYUSHEAK-ATSÜ HUHTANYU 16:28

tümüde I keoniorü 5 lah, junangde apinü arü ki thiyumütsan thsübah, jude yungsho arü she ha thsümüchi dangpung ching arübah.’

LUKNÜ ATHRÜTKHI THIYUSHEAK-ATSÜ HUHTANYU 8:28

Küyimki apinü Jisu ngükheanü zhi tüsho api miki mükhümbah düsheak achangnü tha, “Khide Achang Thrünpuh tsührü Jisu, nü I ki tümü thsüpü la? Inü nü ki mushuchoh, I düthsümüchi.”

1 KORINT 15:55

“O ashekhi, nü akuk ngükhi küching la? O ashekhi, nü yo thsünübe küching la?”

2 PETER 2:4

Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah.

AMIKHEAKAKHIUKKHI 20:10

tüsho arü mülapyukbuh amünean ju shiwüh le arükchih wukihrübo lapung modüjim ching jipyuk, tüsho arübo azhing ayin lünnü lün thsümüchibah.