LUKNÜ ATHRÜTKHI THIYUSHEAK-ATSÜ HUHTANYU 16:2 - AMÜSÜH HÜM CL Bible (BSI)

² Jumonü apinü anihbuh jibah tha, ‘Inü nü dünkheak sokhi ha tümü a? Nü khinkihthsükhi khemütsana jihang, tümüde kheaküa nü khinkihthsürü müthsü.’

LUKNÜ ATHRÜTKHI THIYUSHEAK-ATSÜ HUHTANYU 16:2 Iomraidhean Croise

T H S AN GYU T H S AN GR ARÜ 12:14

Tümütüsho rhimokhi alala, rama lakhi lüpdükhi, atsü yungsho amütsü bede Thrünpuhnü mahkhap ching hande arübah.

MATHI 12:36

Tüshe mihtsürünü mükümkang yu thakhi aban dünkheak mahkhap nimung arünü thiyusheak jihbah de inü nüsa ki thachoh.

MATHI 20:8

Jumonü küyimki arelim kamkhea, kurungasolu putungpuhnü api kimthsübuh ki tha, ‘Rhimorübo jiang, tüsho ashurünü akhuhrü khiungde arü mihkhah dün jihang.’

LUKNÜ ATHRÜTKHI THIYUSHEAK-ATSÜ HUHTANYU 12:20

Tüshe Thrünpuhnü api ki tha, ‘Nü makharü! Khihre tsütsü nü me tsoabahbah; dale tüsho nü thsungkheak tsanglunga zokhi shenü aluba?’

LUKNÜ ATHRÜTKHI THIYUSHEAK-ATSÜ HUHTANYU 12:42

Tüsho Atungpuhnü tha, “Dale tüsho aputungrünü ayamkhün kurungkheak yakzanshuhrü thsüshihbah arü kilim kim dükdü ching tsühyungpü shihcham jihshihpü athülünkhi tüsho lümlung lakhi khinkihthsürü ju shepü a?

LUKNÜ ATHRÜTKHI THIYUSHEAK-ATSÜ HUHTANYU 16:1

Tüsho apinü ajingyanrübo ki tha: “Khinkihthsürü lakhi alarü mihtsürü khülang lakheah, tüsho ha mihtsürünü anihbuh kukrukbo phinphurukkhi dünkheak mudokhi api ki handarü.

LUKNÜ ATHRÜTKHI THIYUSHEAK-ATSÜ HUHTANYU 16:3

Judüki khinkihthsübuhnü aküdah thsüde tha, ‘I küde athsüba? Tümüde I putungpuhnü khinkih thsüpü I kheaknü lude tsochoh. Inü alo mukiukhuk; inü akheangpü achihlah.

ROMRÜ KILIM PAULNÜ ATHRÜTKHI KIHÜM HUHTANYU 14:12

Jumonü isa abannü nihbuh dünkheak Thrünpuh kilim jihbah.

1 KORINT 1:11

Tümüde I keoniorübo, nüsa bolung rukachihkhi lah de Kloe yamkhün mihtsürünü I ki thiyusheak jihdo.

1 KORINT 4:2

Kheaküshe atoathüprübo ju thiyuro lapü yihnüpü lah.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

1 TIMOTHI 4:14

Azothsürübonü nü kheak arü khah nimde müchityu thachoki nü kilim jihkhi thsambah dübahyuk.

1 TIMOTHI 5:24

Mihtsürü khürü neakbo a nahde mütsanchoh, tüsho mahkhap müngühnü yüchoh; tüshe püpürü neakbo a ashulim lang ngüchoh.

1 PETER 4:10

Mihbüm abannü, Thrünpuh thsambah aphuaphu kümsorü thsüde, apinü Thrünpuh kilimnü aleangkhikhi ju püpürü tsüpü thsungkheak ahoribeah.

1 PETER 4:5

tüshe arünü arhang larü tüsho asherü mahkhappü thsakhama labuh kilim nihbuh mütsanmükhia jihbah.

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.