LUKNÜ ATHRÜTKHI THIYUSHEAK-ATSÜ HUHTANYU 16:15 - AMÜSÜH HÜM CL Bible (BSI)

¹⁵ Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

LUKNÜ ATHRÜTKHI THIYUSHEAK-ATSÜ HUHTANYU 16:15 Iomraidhean Croise

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

2 KIUTHSÜYUKHEAN 6:30

nünü nü lapung yinmi chingnü sojang, neak bahjang, tüsho nünü mükheahde alakhi mulong arü limro ayannü alala ki jihang, tümüde nünü lang mihtsürü mulong mükheahlah.

MUNGSHIKHÜN 10:3

Tümüde mihbukmuyuknü api mulong künkhi ching kükheangchoh; yihnelune mihtsürünü Thrünpuh athruchoh tüsho bahyukchoh.

MUNGSHIKHÜN 49:13

Ha nihbuh küdah thsüde mulonglamrü, tüsho arü lakhit kheak reangkeamrü kuhi ah.

MUNGSHIKHÜN 49:18

Mihtsürü khülang anihbuh rhangdung lakhi kheak reangkeamkeam she, tüsho api kukzamkhi hode mungshi lalashe,

MUNGSHIKHÜN 7:9

O mihbukmuyuk amütsü rhimo akheam thsüshang, tüshe thiyuro lashang; tümüde thiyuro-lungki Thrünpuhnü mulong tüsho lümkhi rükakheahchoh.

MÜCHITMUDU 16:5

Mihbüm aban mulong ching kükheangrü Atungpuh kilim athraneanbe lah; apinü küyimkishe arübo müthsümüchidüa mutsoshih.

MÜCHITMUDU 20:6

Mihtsürü ahihdonü nihbuh tsükhi thachoh, tüshe thiyuro mihtsürü shepünü ayimkhitkhukba?

MÜCHITMUDU 21:2

Mihtsürü limrobo alala nihbuh mük ki alungki lah, tüshe Atungpuhnü mulongbo adünchoh.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

MALAKI 3:15

Kheakü isanü kükheangküyangrü ju müngühmühi de jichoh; mihbukmuyukrü ju lalim tsükhi lang yung, tüshe küyimki arünü Thrünpuh rükakibanü arü tsokhitchoh.”

MATHI 23:5

Arünü mihtsürübonü angüshihpü thsüde arü rhimo alala thsüchoh; tümüde arünü kingkang kheak rümbe tode tüsho khimmüngam shangde zochoh;

MATHI 6:16

“Küyimki nünü khümkeak thsübanü, yiuhkhaprübo nangde jak mitinga dühuh tümüde arünü mihtsürübo ki arü khümkeak thsükhi huhpü arü mirobo müneanchoh. Inü nüsa ki thiyuro thachoh, arü thsambah ngüabahdo.

MATHI 6:2

Jumonü nüsanü müthsümülarü ki jihchungchoki, mihtsürübonü wüntre jihshihpü yiuhkhaprübonü sinagogbo tüsho kiudunglimrobo ching rhimokhi nangde hulipung-pungbo dükhung. Inü nüsa ki thiyuro thachoh, arü thsambah ngüabahdo.

MATHI 6:5

“Küyimki nüsanü tamkhüntamnübanü yiuhkhaprübo nangde düthsü, tümüde arünü mihtsürübonü angüshihpü sinagogbo ching le kiudunglimrobo kheak zhipbah tamkhüntamnüpü mürühchoh. Inü nüsa ki thiyuro thachoh, arü thsambah ngüabahdo.

LUKNÜ ATHRÜTKHI THIYUSHEAK-ATSÜ HUHTANYU 10:29

Tüshe apinü anihbuh mütsanmükhia lunede Jisu ki tha, “Tüsho I yamhingrü ju she a?”

LUKNÜ ATHRÜTKHI THIYUSHEAK-ATSÜ HUHTANYU 11:39

Tüsho Atungpuhnü api ki tha, “Kheakü nüsa Pharisirünü pung tüsho phuru aleanglim müsühchoh, tüshe nüsa alunglim a yihnelune tüsho mihbukmuyuknü milah.

LUKNÜ ATHRÜTKHI THIYUSHEAK-ATSÜ HUHTANYU 18:11

Pharisibuhnü zhip tüsho tamkhüntamnü, ‘Thrünpuh, I a püpürü mihtsürübo–jangkhijangrarü, thiyuro mülarü, müzammüramrü, yungsho ha ruk-threbuh nangde mülakhi hode nü ki makshe jihchoh.

LUKNÜ ATHRÜTKHI THIYUSHEAK-ATSÜ HUHTANYU 18:14

Inü nüsa ki thachoh, ha buh mihtsürü ju püpürü kheaknü alimbe thsübah anihbuh yam ching yükido; tümüde shepünü küdah thsüde shuhkihchonü abobe kambah, tüsho shepünü küdah thsüde aninibe kamchonü ashuhkihbah.”

LUKNÜ ATHRÜTKHI THIYUSHEAK-ATSÜ HUHTANYU 18:21

Tüsho apinü tha, “Harü alala I athunuchokinü inü rhimodo.”

LUKNÜ ATHRÜTKHI THIYUSHEAK-ATSÜ HUHTANYU 18:9

Kheaküshe apinü nihbuh küdah thiyuro-lungki ah de akinrü tüsho püpürü mükhemükimrü ki shihdanglimyu ha tha:

LUKNÜ ATHRÜTKHI THIYUSHEAK-ATSÜ HUHTANYU 20:20

Jumonü arünü api kheah, tüsho api ju kovünor wu tüsho thiyukhüm-sühmüh ching jihpü api yubo chingnü anihbuh rampü thiyuro-lungkirü ah de thsübah rükramrübo yüshih.

LUKNÜ ATHRÜTKHI THIYUSHEAK-ATSÜ HUHTANYU 20:47

shepünü khimoberü yam muyucho, tüsho rük thsüde ashangshang tamkhüntamnücho. Harübo abahyukkhi atobe leangkhibah.”

JOHAN 2:25

tüsho khürünü mihtsürü dünkheak thiyumütsan thsüpü yihnüpü müla, tümüde apinü mihtsürü kheak lakhi alala mükheah.

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

YUNIRÜBO RHIMO 1:18

(Judanü amütsü thsüde amulokhi shonü thulu khülang thulo, ju ching api she; abuk jukphukbah bukning alala akhiuk.

YUNIRÜBO RHIMO 1:24

Tüsho arünü tamkhüntamnü, “O Atungpuh, shepünü alala mulong mükheahla, hane bolung nünü shepü mokhitdünü huhang,

YUNIRÜBO RHIMO 15:8

Mulong mükheahbuh Thrünpuhnü isa ki rhimokhi nangde Amüsüh Me jihde arü leangkhikhi huh;

ROMRÜ KILIM PAULNÜ ATHRÜTKHI KIHÜM HUHTANYU 3:20

Tümüde mihtsürü sheshe yakzan rhimokhinü api miki alim müthsü, tümütüsho yakzan hode neak mükheahkhi arüchoh.

ROMRÜ KILIM PAULNÜ ATHRÜTKHI KIHÜM HUHTANYU 8:27

Tüsho mihtsürü mulong yimbuh Thrünpuhnü Me lümkhi mükheahlah, tümütüsho Thrünpuh lümkhi yande amüsührü thsungkheak Menü mushujihchoh.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

1 PETER 3:4

tüshe müdükheakbe mürelung azhihayih bede rama lakhi mihtsürü mulong tüsho Thrünpuh miki shoto, zhikde alakhi me lashang.

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”