LUKNÜ ATHRÜTKHI THIYUSHEAK-ATSÜ HUHTANYU 15:22 - AMÜSÜH HÜM CL Bible (BSI)

²² Tüshe abuhnü yamlarübo ki tha, ‘Nahnah shulünkhim atsübe lude akhiukbah api kheak phuyujang, akhah ching khahrih yukjang tüsho ajing ching jingkhümpü yukjang.

LUKNÜ ATHRÜTKHI THIYUSHEAK-ATSÜ HUHTANYU 15:22 Iomraidhean Croise

THRÜNTAN 41:42

Pharaonü api yingkhing chingnü yingkhüm yihkhit tüsho Josep yingkhing ching yukjih; apinü khimthünakbo api kheak phukihjih tüsho suna wuhrünlak ahung mükamde yukjih.

ESTER 3:10

Jumonü yüma ahiuhshihpü thsüde, kiulongthsüpuhnü yingkhüm yihkhita Agagrü Hammedatha tsührü Haman, Jihudarü riribuh kilim jih.

ESTER 8:2

Tüsho kiulongthsüpuhnü Haman kheaknü alulokhi mütsanyüm ayingkhing chingnü yihkhita Mordekai kilim jih, tüsho Esternü Mordekai ju Haman yamrung kurungkheak binshih.

MUNGSHIKHÜN 132:16

Inü anihbe yo amükeamrübo she akhümkhit phuyujihbah, tüsho anihbe amüsührünü asühachihde achangnü azhibah.

MUNGSHIKHÜN 132:9

Nü yo amükeamrübonü thiyuro-lungki yihshang, tüsho nü yo amüsührünü asühachihde shoshang.

MUNGSHIKHÜN 18:33

Apinü I jingbo shihmüchi jing nangde kamshih, tüsho achangbo kheak tsüde zojih.

MUNGSHIKHÜN 45:13

Kiulongthsürü tsührübe ju kiulongthsürü-yam ching müretahde lah; anihbe khimmih ju suna bede keaka lah.

KHÜNBOLUNGKHÜN 7:1

Jingkhümpübo ching nü jing küdükhüh she akhamla, O kiulongthsüberü anünürü! Nü pho thulungkhi ju mürelungbo, thsüsonungnürü khahyo nangde lah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

LUKNÜ ATHRÜTKHI THIYUSHEAK-ATSÜ HUHTANYU 15:21

Tüsho atsührünü api ki tha, ‘Abuh, inü yinmi azhihde tüsho nü miki neak yihbeakdo, tüsho I kheaküa nü tsührü de ajipü müthülün.’

LUKNÜ ATHRÜTKHI THIYUSHEAK-ATSÜ HUHTANYU 15:23

Tüsho moshi nunu ashih-kihkhi lude arübah laksahang, tüsho isanü tsühde asühachihanü;

ROMRÜ KILIM PAULNÜ ATHRÜTKHI KIHÜM HUHTANYU 13:14

Tüshe Atungpuh Jisu Khrista zülu yihang, tüsho akünkhi reangkeamshihpü shih-yakli lim mulong düjih.

ROMRÜ KILIM PAULNÜ ATHRÜTKHI KIHÜM HUHTANYU 3:22

Ha thiyuro-lungki ju Jisu Khrista ching akin hode akinrü alala kilim Thrünpuh kilimnü arüchoh. Ju ching büthsüde tümü müla,

ROMRÜ KILIM PAULNÜ ATHRÜTKHI KIHÜM HUHTANYU 8:15

Tümüde nüsanü trede atsopü azhorü me müleangkhi, tüshe tsührü thsüpü me leangkhido. Api hode isanü zhichoh, “Abba, Abuh!”

GALATIA 3:27

Tümüde nüsa alala sherü Khrista ching baptikheanü nüsanü Khrista khümyukdo.

EFISIA 6:15

tüsho mungtsü thiyusheak-atsü kukruknü nü jing khümang;

YUZÜNGTHALO 33:25

Nü sangkhrihbe ju yinchi tüsho müwayinchi labah; tüsho nü nimungbo yande, nü sühmüh labah.” @SP ACE=

AMIKHEAKAKHIUKKHI 19:8

alibe ju khimthünak atsü, ayinatrüm tüsho amüthsün phuyupü mülüjih”–tümüde khimthünak atsü ju amüsührü thiyuro-lungki rhimobo lah.

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.

AMIKHEAKAKHIUKKHI 6:11

Judüki arü aban kilim shulünkhim amüye jih, tüsho arü nangde arü rukhüh tankihrü tüsho keoniorübo laksahpü wühkhe mübanyi khiungde aleangpü tha.

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,