LUKNÜ ATHRÜTKHI THIYUSHEAK-ATSÜ HUHTANYU 15:20 - AMÜSÜH HÜM CL Bible (BSI)

²⁰ Tüsho apinü tsahmusubah abuh kilim arü. Tüshe api limshu ching tsahchokinü, abuhnü api ngübah muzhode lüm, tüsho alihde yübah ahung kheak kap tüsho api müthsüp.

LUKNÜ ATHRÜTKHI THIYUSHEAK-ATSÜ HUHTANYU 15:20 Iomraidhean Croise

THRÜNTAN 33:4

Tüshe Esaunü api shorupü alihde yübah kap, tüsho ahung kheak kapbah api müthsüp, tüsho arünü trip.

THRÜNTAN 45:14

Jushu apinü aniurü Benjamin kheak kap tüsho trip, tüsho Benjaminnü tripde api kap.

THRÜNTAN 46:29

Jumonü Josepnü api khoralolungbe thsakham tüsho abuh Israel shorupü Goshen lim wutu; Josepnü api miki yü akede akhahnü abuh kap tüsho ruhde trip.

2 SAMUEL 14:33

Judüki Joabnü yübah kiulongthsüpuh ki tha; tüsho apinü Absalom ji. Jumonü api kiulongthsüpuh ki arü tüsho kiulongthsüpuh miki alo ching khukningde akin jih; tüsho kiulongthsüpuhnü Absalom kheak müthsüp.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

ISAIA 49:15

Azoberü khülangnü anihbenü akümkhi khungarü mihpü kukla de, yungsho anihbe nuyam ching yo khungarü ki amuzho muhuhba de? Harü she amihpü kuklah tütüshe inü a nü mümih.

ISAIA 57:18

Inü arü limrobo ngüdo, tüshe inü arü thsüngubah; inü arü bebah tüsho mulong shukheam jihlobah, Israel ching mihtsürü mün kheak mungshi lashihbah:

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

LUKNÜ ATHRÜTKHI THIYUSHEAK-ATSÜ HUHTANYU 15:19

tüsho kheaküa I nü tsührü de ajipü müthülün, I ju amulokhi nü yamlarübo nangde kamshang.”’

LUKNÜ ATHRÜTKHI THIYUSHEAK-ATSÜ HUHTANYU 15:21

Tüsho atsührünü api ki tha, ‘Abuh, inü yinmi azhihde tüsho nü miki neak yihbeakdo, tüsho I kheaküa nü tsührü de ajipü müthülün.’

YUNIRÜBO RHIMO 2:39

Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

YUNIRÜBO RHIMO 20:37

Arü alalanü trip tüsho Paul kapde müthsüp.

EFISIA 2:13

Tüshe nüsa khülangki limshude alarü kheakü Khrista thiyih hode Jisu Khrista ching phünide kamshihdo.

EFISIA 2:17

Tüsho api arübah nüsa limshu tüsho phünide alarü ki mungtsü thsangyuthsangra;