LUKNÜ ATHRÜTKHI THIYUSHEAK-ATSÜ HUHTANYU 15:15 - AMÜSÜH HÜM CL Bible (BSI)

¹⁵ Judüki apinü ju lomi ching mihkhungrü khülang ki mubuhde yü, tüsho apinü anihbuh ju kheaknu yimkippü yüshih.

LUKNÜ ATHRÜTKHI THIYUSHEAK-ATSÜ HUHTANYU 15:15 Iomraidhean Croise

2 KIUTHSÜYUKHEAN 28:22

Kiulongthsüpuh Ahaznü anihbuh lümthsünü ching lachoki Atungpuh kilim alübe thiyuro mülakhi kam.

ABEKHIT 10:3

Jumonü Mosa tüsho Aronnü Pharao ki yübah tha, “I Atungpuh Ibrirü Thrünpuhnü ha thachoh: ‘Nünü I miki azhihayihpü külokhüh thsungloba? I mihtsürübo tsoshang, junangde arünü I tankihbah.

ISAIA 1:5

Tümüde nüsanü kheaküshe laka lupü yimcho? Tümüde nüsanü mutuklode azhihcho? Ku abümnü tukthsülah, tüsho mulong abümnü keahkhichoh.

ISAIA 57:17

Arü mihbukmuyuk yihnelunekhi hode inü bukakhiuk; inü arü shik, inü lak tüsho bukakhiuk; tüshe arünü nihbuh limro ching rholode tso.

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

EZEKIEL 16:52

Nü achih arümang, tümüde nünü nü chi pürü thsungkheak thiyumütsan khürü jihdo. Tümütüsho nü neakbo ju arü kheaknü alü mütsüdakde alakheah. Arübo nü kheaknü alü thiyurolungki akhiukdo. Jumonü achihang tüsho nü mungchih arümang, tümüde nünü nü chi pürü thiyuro-lungki akhiukshihdo.

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

NAHUM 3:6

Inü müneanmuru nü kheak bahbah tüsho bahyukde nü jungbah, tüsho mükkheahdung kamshihbah.

MALAKI 2:9

jumonü inü nüsa mihtsürü alala miki khenoshih tüsho abobe kamshih, tümütüsho nüsanü I limrobo müyan tüshe nüsa yakzan ching jakkheahdo.

MATHI 7:6

“Tümü amüsühanü khihnubo kilim düjih; yungsho nü yo sünsobo kheaknu miki düzojih, jude thsüsho arünü jurü arü jing khüp jungbah tüsho rholobah nü adütre kamde ayihthünakbah.

LUKNÜ ATHRÜTKHI THIYUSHEAK-ATSÜ HUHTANYU 15:13

Nimung anükhüh dunglim, akheambuhnü api lakhi alala hanmukhungbah limshu lomi ching hantsahde yü tüsho api lakhit phinphurukabah.

LUKNÜ ATHRÜTKHI THIYUSHEAK-ATSÜ HUHTANYU 15:14

Tüshe küyimki apinü alala bahkhamkhea, ju lomi ching khümzung arü, tüsho api mükheakde akampü tankih.

LUKNÜ ATHRÜTKHI THIYUSHEAK-ATSÜ HUHTANYU 15:16

Apinü kheaknunü tsühde alakhi bineangbo tsühnede lüm, tüshe shenü she api kilim tümü müjih.

ROMRÜ KILIM PAULNÜ ATHRÜTKHI KIHÜM HUHTANYU 6:22

Tüshe kheakü nüsa neak chingnü zuzu kam tüsho Thrünpuh yo azhorü kam, ju müthri nüsanü atsangkhitkhi ngü tüsho akheam ju lün rhangdung lah.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;