LUKNÜ ATHRÜTKHI THIYUSHEAK-ATSÜ HUHTANYU 15:13 - AMÜSÜH HÜM CL Bible (BSI)

¹³ Nimung anükhüh dunglim, akheambuhnü api lakhi alala hanmukhungbah limshu lomi ching hantsahde yü tüsho api lakhit phinphurukabah.

LUKNÜ ATHRÜTKHI THIYUSHEAK-ATSÜ HUHTANYU 15:13 Iomraidhean Croise

MUNGSHIKHÜN 73:27

Atsütsü, sherü nü kheaknü limshude lanü adükheakbah; sherü müzammüram thsungkheaknü nü bahkhidünü nünü alala dükheakshihdo.

MÜCHITMUDU 18:9

Shepü nihbuh rhimo ching yomuhyothsün lanü tode athsümünimrü lung keoniorü ah.

MÜCHITMUDU 21:17

Shepünü shih asühkhi muzhochonü zhochihrü kambah; shepünü yukhu tüsho müdangke muzhochonü alarü müthsü.

MÜCHITMUDU 21:20

Shoto rahpungbo ju lümlung lakhi mihtsürü lapung ching lah, tüshe makharünü a ju phinphurukchoh.

MÜCHITMUDU 27:8

Mihtsürü shepü nihbuh yam chingnü rümde tsahchonü wuhnu asap chingnü rümde atsahkhi nangde lah.

MÜCHITMUDU 28:7

Shepünü yakzan zochonü rükri lakhi tsührü ah, tüshe bukchihrü lung müyamrü thsürünü abuh mungchih kipchoh.

MÜCHITMUDU 29:3

Shepünü lümlung muzhochonü nihbuh abuh asühshihchoh, tüsho müzammüramrü atruachihrünü api lakhit phinphurukchoh.

MÜCHITMUDU 6:26

tümüde nihbe shihyinrünü nü ju yikhap khülang dün kamshihchoh, tüsho müzammüramberünü nü rhangdung yimchoh.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 22:13

tüshe ju müthri asühachih tüsho thünio lakheah, moshipung tüsho namfimihnu laksahde, shih tsühde tüsho yukhu yungde la. Nüsanü tha, “ Isanü tsühanü tüsho yunganü, tümüde shido isa ashebah.”

ISAIA 30:11

limro chingnü tsoang, limtsahpung chingnü tsahhuhang, isanü kheaküa Israel yo Amüsühbuh Khülang dünkheak musonü.”

ISAIA 56:12

“Arang” arünü thachoh, “ Isanü yukhu handaranü; isanü phapke yunganü. Tüsho shido a ha kheaknü she atsüdak labah.”

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

JEREMIA 2:5

Atungpuhnü ha thachoh: Tümü amülim nüsa jipürünü I kheak ngübahle I kheaknü arübo limshude ayükhea, tüsho müthülünkhi dunglim yükhea tüsho arübo müthülünde kamkhea?

MIKA 6:3

“ O I mihtsürü, inü nüsa ki tümü rhimoa la? Tümü ching inü nüsa khishih-a la? I ki aloang!

LUKNÜ ATHRÜTKHI THIYUSHEAK-ATSÜ HUHTANYU 15:12

Tüsho akheambuhnü abuh ki tha, ‘Abuh, I shihcham kukrukbo I kilim jihang.’ Jumonü apinü ane kilim lakhit chamjih.

LUKNÜ ATHRÜTKHI THIYUSHEAK-ATSÜ HUHTANYU 15:14

Tüshe küyimki apinü alala bahkhamkhea, ju lomi ching khümzung arü, tüsho api mükheakde akampü tankih.

LUKNÜ ATHRÜTKHI THIYUSHEAK-ATSÜ HUHTANYU 15:30

Tüshe yüliyürade nü lakhit phinphurukkhi nü tsührü ha arü müleangnü, nünü api thsungkheak ashih-kihkhi moshi nunu laksahdo.’

LUKNÜ ATHRÜTKHI THIYUSHEAK-ATSÜ HUHTANYU 16:1

Tüsho apinü ajingyanrübo ki tha: “Khinkihthsürü lakhi alarü mihtsürü khülang lakheah, tüsho ha mihtsürünü anihbuh kukrukbo phinphurukkhi dünkheak mudokhi api ki handarü.

LUKNÜ ATHRÜTKHI THIYUSHEAK-ATSÜ HUHTANYU 16:19

“Alarü mihtsürü khülang mürümmuchu khim tüsho atsüdak khimzhingzhing phuyubah nimung aban müthangmüsün ching lakheah.

EFISIA 2:13

Tüshe nüsa khülangki limshude alarü kheakü Khrista thiyih hode Jisu Khrista ching phünide kamshihdo.

EFISIA 2:17

Tüsho api arübah nüsa limshu tüsho phünide alarü ki mungtsü thsangyuthsangra;

2 PETER 2:13

Arünü arhimokhi dün arü kilim athsümünimnü athrihlobah. Arü asüharapü lakhi ju arü pangnü akünkhi reangkeamshihpü animuro tümütümü she arhimopü lah.