LUKNÜ ATHRÜTKHI THIYUSHEAK-ATSÜ HUHTANYU 15:10 - AMÜSÜH HÜM CL Bible (BSI)

¹⁰ Inü nüsa ki thachoh, junangde Thrünpuh yunirü miki mulong müthrikhi aneakrü khülang kurungkheak asühachihkhi lah.”

LUKNÜ ATHRÜTKHI THIYUSHEAK-ATSÜ HUHTANYU 15:10 Iomraidhean Croise

EZEKIEL 18:23

Mihbukmuyuk shekhi ching inü tümükhüh asühpü lade? Wuto Atungpuhnü thachoh. Ju müthri, küyimki arünü arü limro chingnü rholobah rhangdung labanü inü masühcho de?

EZEKIEL 18:32

Tümüde inü khürükhüh shekhi ching masühchoh, Wuto Atungpuhnü thachoh. Mulong müthriang tüsho laang!

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

MATHI 10:32

“Jumonü shepünü mihtsürübo miki I alokhibanü, yinmi ching labuh I Buh miki inü api alokhibah.

MATHI 18:10

“Harü anini bolung khülang she mükhemükim müthsüpü kümkangang, tümüde inü nüsa ki thachoh, yinmi ching arü yunirübonü yinmi ching labuh I Buh miro kamruhroro kheahde lah.

MATHI 18:14

Junangde harü anini bolung khülang she adükheakpü thsüde yinmi ching labuh nüsa Abuhnü mümulong.

LUKNÜ ATHRÜTKHI THIYUSHEAK-ATSÜ HUHTANYU 12:8

“Inü nüsa ki thachoh, shepünü mihtsürübo miki I leangkhibanü, Thrünpuh yunirübo miki Mihtsürü Tsührünü she api leangkhibah.

LUKNÜ ATHRÜTKHI THIYUSHEAK-ATSÜ HUHTANYU 12:9

Tüshe shepünü mihtsürübo miki I bahyukbanü Thrünpuh yunirübo miki bahyukbah.

LUKNÜ ATHRÜTKHI THIYUSHEAK-ATSÜ HUHTANYU 13:5

Inü nüsa ki thachoh, ju yung; tüshe nüsanü mulong mümüthrisho, ju ruk nüsa alala dükheakbah.”

LUKNÜ ATHRÜTKHI THIYUSHEAK-ATSÜ HUHTANYU 15:11

Judüki apinü tha: “Mihtsürü khülang tsührü 2 lakheah.

LUKNÜ ATHRÜTKHI THIYUSHEAK-ATSÜ HUHTANYU 15:7

Inü nüsa ki thachoh, junangde mulong müthripü yihnüpü mülakhi thiyuro-lungki mihtsürü 99 kheaknü aneakrü mulong müthrikhi 1 kurungkheak yinmi ching alü asühachihkhi labah.

LUKNÜ ATHRÜTKHI THIYUSHEAK-ATSÜ HUHTANYU 15:9

Tüsho küyimki alibenü ju ngübanü anihbenü müyamrübo le yamhingrü jimukhungde thachoh, ‘I lung asühang, tümüde adükheakkhi shonak inü ngüdo!’

LUKNÜ ATHRÜTKHI THIYUSHEAK-ATSÜ HUHTANYU 7:47

Jumonü inü nü ki thachoh, anihbe neak hihde alakhi bahjihdo, tümüde alibenü khide muzhodo; tüshe shepü anikhüh neak bahjihkheanü anikhüh muzhochoh.”

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 5:19

Tüshe azhing ching Atungpuh yunirünü rihyam khimdopübo yeahshungbah arü bekhit tüsho tha,

2 KORINT 7:10

Tümüde Thrünpuh lümkhi yande mulong tukthsükhinü akhümkhit lim bepü mulong müthri akhiukshihchoh tüsho tümü mülümalo, tüshe alomi yande mulong tukthsükhinü ashepü akhiukshihchoh.

PHILEMON 1:15

Khükijua, api lünnü beloa lupü thsüde api nü kheaknü anükhühkheak chamkhia lah khunuh,

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?