LUKNÜ ATHRÜTKHI THIYUSHEAK-ATSÜ HUHTANYU 14:32 - AMÜSÜH HÜM CL Bible (BSI)

³² Apinü mukuksho, püpürü ju limshu ching lachoki limburü yüshihbah tüsho mungtsü dünkheak keokhibah.

LUKNÜ ATHRÜTKHI THIYUSHEAK-ATSÜ HUHTANYU 14:32 Iomraidhean Croise

JOB HU H T ANYU 40:9

Thrünpuh nangde nü bin la de, tüsho api nangde düsheaknü nünü tsüngmukpü kukla de?

MATHI 5:25

“Api lung limro lachoki nü azhihrü kheak nahde arihang, jude yungsho nü azhihrünü nü ju mahkhaprü kilim jihbah, mahkhaprünü atorü kilim jihbah, tüsho nü rihyam ching yukbah.

MATHI 5:42

Khürünü nü ki tümükhüh kheangsho api kilim jihang; khürünü nü ki tümükhüh nipnesho, api ki nipjang.

LUKNÜ ATHRÜTKHI THIYUSHEAK-ATSÜ HUHTANYU 12:58

Küyimki nü azhihrü lung nünü atorü ki yübanü, limro chingnü api kheak tsarihpü mürangang, jude yungsho apinü nü mahkhaprü ki bede ayübah, mahkhaprünü nü ju mihramrü ki jihbah, tüsho apinü nü rihyam ching yukbah.

LUKNÜ ATHRÜTKHI THIYUSHEAK-ATSÜ HUHTANYU 14:31

Yungsho kiulongthsürü khülangnü api azhihde 20,000 bebah arükhi, apinü mihtsürü 10,000nü bebah thirithsüpü kukla shi mukuknü akhuhde binbah lümamükheahcho de?

LUKNÜ ATHRÜTKHI THIYUSHEAK-ATSÜ HUHTANYU 14:33

Ju kiphahde, shepünü nihbuh lakhi alala mübahyuknü I jingyanrü müthsükhuk.

LUKNÜ ATHRÜTKHI THIYUSHEAK-ATSÜ HUHTANYU 19:14

Tüshe api mihtsürübonü anihbuh thranean, tüsho yunithsürü khülang api dunglim yüshihde tha, ‘Isanü ha mihtsürü isa kurungkheak kiulong müthsüshih.’

YUNIRÜBO RHIMO 12:20

Kheakü Herodnü Tair le Sidon mihtsürü kheak bukakhiukde alakheah; jumonü arünü bo khülang thsübah api shorupü yü. Akhuhde arü rungshihpü arünü kiulongthsüpuh-yam atorü Blasta ju shukheam. Jushu arünü Herod ki yübah mungtsü thsungkheak keokhi tümütüsho arü lomi tsühyungbebo ju kiulongthsüpuh lomi chingnü ngüde alakheah.