LUKNÜ ATHRÜTKHI THIYUSHEAK-ATSÜ HUHTANYU 14:23 - AMÜSÜH HÜM CL Bible (BSI)

²³ Judüki aputungrünü yamlarü ki tha, ‘Lomi limtobo tüsho limrobo ching yübah arübo yana arüshang, junangde I yam mide akambah.

LUKNÜ ATHRÜTKHI THIYUSHEAK-ATSÜ HUHTANYU 14:23 Iomraidhean Croise

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 21:43

“Jumonü inü nüsa ki thachoh, yinmi kiulongthsü ju nüsa kheaknü luakhinbah tüsho aso asoshihpü mihtsürübo kilim jihabahbah.

MATHI 5:41

Khürünü nü ki mail 1 tsahpü nimkihsho, api lung mail 2 tsahang.

LUKNÜ ATHRÜTKHI THIYUSHEAK-ATSÜ HUHTANYU 14:22

Tüsho yamlarünü tha, ‘Atungrü, nünü thiyukhüm jihkhi nangde rhimodo, tüsho kheaküshe binpung lah.’

LUKNÜ ATHRÜTKHI THIYUSHEAK-ATSÜ HUHTANYU 14:24

Tümüde inü nü ki thachoh, inü ajiyukrü shenü she I jimpung mütsühake.’ ”

LUKNÜ ATHRÜTKHI THIYUSHEAK-ATSÜ HUHTANYU 24:29

Tüshe anenü api ki müküpde thsungkih, “Ike lung binang, tümüde azhingpü thsüchoh; nimung hodo.” Jumonü apinü ane lung binpü yü.

YUNIRÜBO RHIMO 16:15

Tüsho küyimki alibe ju yamkhün bede baptikheanü isa jide tha, “Nüsanü I Atungpuh ki thiyuro lakhi khejihsho, I yam ching arübah binang.” Tüsho alibenü isa ki reangkihde ji.

YUNIRÜBO RHIMO 18:6

Tüsho küyimki arünü api azhihde aluhkhea, apinü akhim chingnü asungthulung dütrüna bahde arü ki tha, “ Nüsa thiyih nüsa kubo kheak lashang! Inü a tümü mümükheah. Kheakü I khiungkerü kilim yübah.”

YUNIRÜBO RHIMO 28:28

“Junangde ha Thrünpuh akhümkhit khiungkerü kilim yüshihdo de nüsanü mükheahang.”

YUNIRÜBO RHIMO 9:15

Tüshe Atungpuhnü api ki tha, “Yüang, tümüde api ju khiungkerü le kiulongthsürübo tüsho Israel mihtsürübo ki I mung mükheahshihpü thsüde I tankihpü inü mokhitdo;

ROMRÜ KILIM PAULNÜ ATHRÜTKHI KIHÜM HUHTANYU 10:18

Tüshe inü keokhi: Arünü muso de? Jua am, “Arü düsheak alomi alala ching, tüsho arü yubo alomiküp akheambo ching yüdo.”

2 KORINT 5:11

Jumonü, Atungpuh trekhi mükheahde isanü mihtsürübo münityukchoh; tüshe isa tümüanü Thrünpuhnü mükheahlah, tüsho nüsa lümkhi ching she ju mükheahlah de inü akin lah.

2 KORINT 5:20

Jumonü Thrünpuhnü isa hode tuthsukkhi nangde, isa ju Khrista yo limburü ah. Khrista thsung thsüde isanü nüsa ki mushuchoh: Thrünpuh kheak tsüarihang.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.