LUKNÜ ATHRÜTKHI THIYUSHEAK-ATSÜ HUHTANYU 14:13 - AMÜSÜH HÜM CL Bible (BSI)

¹³ Tüshe küyimki nünü thünio thsakhambanü, zhochihrü, mütsümüyangrü, jingkikrü, müktukrü jiyukang.

LUKNÜ ATHRÜTKHI THIYUSHEAK-ATSÜ HUHTANYU 14:13 Iomraidhean Croise

2 SAMUEL 6:19

tüsho arü alala kilim tsühyungbe chama jih. Apinü Israel ching lakhi athrürü tüsho aliberü abande yikhap, amüthreangkhi shih, tüsho kurungaso mukuhkhi khürü jih. Jushu mihtsürü alala nihbuh yam ching alode yü.

2 KIUTHSÜYUKHEAN 30:24

Tümüde Juda kiulongthsüpuh Hezekianü amukhungrü kilim moshi 1000 tüsho namfimihnu 7000 kingaünpü thsungkheak jih, tüsho atorübonü amukhungrü kilim moshi 1000 tüsho namfimihnu 10,000 jih. Amükeamrübo arü hihde tsangkhit.

NEHEMIA 8:10

Kheakü thüyam lim yüang tüsho aniojiang. Nüsanü tsühyungpü musuhdahrü ki chamachihang. Khihni ha isa Atungpuh kilim amüsüh ah, jumonü mulong dütukthsü. Asühpü Atungpuh nü ajihkhi hode nüsa reangzahshihbah.”

NEHEMIA 8:12

Tüsho mihtsürü alala thüyam lim yübah tsühyungde asühachih tüsho püpürü ki she arü lakhi chamachih, tümüde arü ki khea huhkhi yubo arünü anikhit.

JOB HU H T ANYU 29:13

Thsümütsürü müngühmühi I kheak arü, tüsho inü khimoberü mulong asühpü thsüde khün thsüshih.

MÜCHITMUDU 14:31

Shepünü zhochihrü junochonü nihbuh Thrünrü bahyukchoh, tüshe shepünü api wüntrechonü müthsümülarü kheak mihmüthsüm lah.

MÜCHITMUDU 22:9

Salarü mihtsürü a nihbuh müngühmühibah, tümüde apinü zhochihrü kilim api tsühyungbe jihchoh.

ISAIA 58:10

nünü tsühyungpü akhümrü kilim jihsho tüsho thsünürü yihnüpü reangkeamshihsho, nü yo ayin amiting ching tahbah tüsho nü yo amiting ju animuro nangde alabah.

ISAIA 58:7

Nü yikhap ju akhümrü kippü tüsho thüyam mülarü zhochihrü nü yam ching bedarüpü yung de; küyimki nünü bünkeang ngübanü, arü yihdojihpü tüsho nü keoniorü kheaknü nü müjikpü yung de?

MATHI 15:30

Api kilim yimto ato, jingkikrü, müktukrü, aduhrü, bishia larü tüsho püpü ahihdo bede arübah ajing ki zojih; tüsho apinü arü thsüngujih.

MATHI 22:10

Junangde yamlarübonü kiudunglimrobo ching yü tüsho arünü angükhi amütsü tüsho atsü chido rukhüh bemukhung. Tüsho arhangrü yam ju hanrünü mide kam.

LUKNÜ ATHRÜTKHI THIYUSHEAK-ATSÜ HUHTANYU 11:41

Tüshe nüsa pung le phuru ching lakhi ju zhochihrü kilim jihang; jushu nüsa thsungkheak alala amüsüh labah.

LUKNÜ ATHRÜTKHI THIYUSHEAK-ATSÜ HUHTANYU 14:12

Judüki Jisunü api jiyukbuh ki tha, “Küyimki nünü yapsu-jim yungsho are-jim tsühpü jiyukbanü, nü müyamrübo, nü keoniorübo, betsührübo yungsho yamhingrü alarübo düjiyuk, jude thsüsho arünü nü jiyukbah tüsho ashaklobah.

LUKNÜ ATHRÜTKHI THIYUSHEAK-ATSÜ HUHTANYU 14:14

Tüsho nü müngühmühi labah, tümütüsho arünü nü müshaklokhuk; tümüde thiyuro-lungkirü arhang kamlochoki nü shaklobah.”

LUKNÜ ATHRÜTKHI THIYUSHEAK-ATSÜ HUHTANYU 14:21

Jumonü yamlarü junü arübah api putungrü ki harü yusheak jih. Judüki thüyam putungrünü bukakhiukde api yamlarü ki tha, ‘Kiuto yo kiudunglimrobo tüsho limrobo ching nahde yüang tüsho zhochihrü, mütsümüyangrü, jingkikrü tüsho müktukrü bede arang.’

YUNIRÜBO RHIMO 9:39

Jumonü Peternü tsahmusubah ane lung yü. Tüsho küyimki api arükhea, arünü api achangbe khiungshak ching bede yükih. Khimoberü alala api rheang ki tripde zhip, tüsho alibe arü lung lachoki Dorkanü pangkhümpü le khimmihbo keakkhi huh.

YUZÜNGTHALO 14:29

junangde nüsa lung shihcham yungsho yamrüplurüp mülarü Levirü, müshihyih-larü, mürerü, khimoberübo nüsa kiutobo ching larübo arübah reangkeamde atsühbah; junangde Atungpuh nüsa Thrünpuhnü nüsa khahnü arhimokhi alala ching müngühjihbah.

YUZÜNGTHALO 16:11

Nü tüsho nü tsührü le tsührübe, nü yamlabuhrü le yamlaberü, nüsa chipimurung khüp lakhi Levirü, hanrü tüsho mürerü tüsho nüsa lung lakhi khimoberü alalanü Atungpuh nüsa Thrünpuhnü api mung zopü mokhitkhi dangpung chingnü Atungpuh Thrünpuh miki asühachihang.

YUZÜNGTHALO 16:14

tüsho nü le nü tsührü tüsho tsührübe, nü yamlabuhrü tüsho yamlaberü, Levirü tüsho nüsa chipimurung khüp lakhi hanrü, mürerü tüsho khimoberünü thünio jimpung thsakhamkhi ching asühachihang.

1 TIMOTHI 3:2

Kheakü borü limberü ju amülim mülarü, niuberü khülang lang alarü, adanyukkhi, lümrhangrü, yakli atsü, hanrü-mürührü, thsangyukhukrü thsübeah,

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

TITA 1:8

tüshe hanrü-mürührü, atsü muzhorü, nihbuh banthsangkhi, alungki, amüsüh, tüsho nihbuh danyukrü labeah;

PHILEMON 1:7

Keoniorü, inü nü muzho chingnü khide asühpü tüsho mulong shukheam ngüdo, tümütüsho nüsa hode akinrübo mulong rhüngrhüngde kamloshihdo.

IBRI 13:2

Hanrü beyukpü dümih, tümüde jude athsükhinü khürünü mümükheahde yunirübo beyukrhaka lachoh.