LUKNÜ ATHRÜTKHI THIYUSHEAK-ATSÜ HUHTANYU 13:34 - AMÜSÜH HÜM CL Bible (BSI)

³⁴ “O Jirusalem, Jirusalem, wukihrübo laksahbe tüsho anihbe kilim yüshihrübo rusahbe! Thunu dretonü ajipjipbo aghidükeang khüp bemukhungkhi nangde inü küdükhüh ki nü tsührübo bemukhungpü künkhea, tüshe nünü mümulongde alakheah!

LUKNÜ ATHRÜTKHI THIYUSHEAK-ATSÜ HUHTANYU 13:34 Iomraidhean Croise

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

MUNGSHIKHÜN 149:2

Israelrü arü Thrünrü lung asühachihshang; Zion tsührübonü arü kiulongthsüpuh lung asühachihshang.

MUNGSHIKHÜN 17:8

Nü mükjibo nangde I kümdoang; nü ghidükeang alamme khüp I jikshang,

MUNGSHIKHÜN 36:7

O Thrünpuh, nü muzhodakkhi küdükhüh shoto a! Mihtsürü tsührübonü nü ghidükeangbo me khüp tsoyukchoh.

MUNGSHIKHÜN 57:1

I ki müthsümang, O Thrünpuh, I ki müthsümang! tümüde I menü nü kheak kinchoh; tüsho harü thsümütsü muhoyikia nü ghidükeang alamme küp I tsoyukbah.

MUNGSHIKHÜN 81:13

O, I mihtsürünü I ki anikhülaa, junangde Israelnü I limrobo ching tsahkhülaa!

MUNGSHIKHÜN 91:4

Apinü nü api moghidungbonü alüpdobah, tüsho api ghidükeangbo khüp nü tsoyukbah; api yo thiyuro ju nü tsung tüsho tsungnini thsübah.

ISAIA 30:15

Tümüde Wuto Atungpuh , Israel Amüsüh Thrünpuhnü ha thachoh: Arholokhi tüsho sühakhimkhi ching nüsa khümkhitbah; keamramkhi tüsho akinkhi ching nüsa sühmüh labah. Tüshe nüsanü reanglo

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

JEREMIA 26:23

tüsho arünü Ijip chingnü Uria bea lu tüsho kiulongthsüpuh Jehoiakim ki api bedarü, shepünü api nukshangnü kiua keamshih tüsho ashemi ju mihtsürü boto mibahpung jipa bah,

JEREMIA 35:14

Rekab tsührü Jonadabnü api tsühsoniuso kilim yukhu muyungpü thiyukhüm jihkhi anido; tüsho arünü khihni khiungde muyung, tümüde arünü arü jipürü yukhüm anido. Tüshe inü nüsa ki alochode asuk, tüshe nüsanü I yu mani.

JEREMIA 35:17

Jumonü Atungpuh , Wuto Thrünpuh, Israel Thrünpuhnü ha thachoh: Inü Juda tüsho Jirusalem ching larü alala kheak azhihde athakhi thsümütsü lüpdükhi handarübah; tümütüsho inü arü ki asuk tüshe arünü mani, inü arü ki ji tüshe arünü malo.

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

TÜZHOKHI 1:16

Harü thsungkheak inü tripchoh; I mükbo ching chike bukchoh; tümüde ashukheamrü khülang I rhangdung thsakhampü I kheaknü limshude lah; I tsührübo thsümünima lah, tümüde thiririnü kukdo.

TÜZHOKHI 4:13

Ha anihbe wukihrü neakbo tüsho anihbe amükeamrü mülimkhibo, thiyuro-lungkirü thiyih bukshihkhi hode alakheah.

HOSEA 11:2

Inü küdükhüh api jikheanü judükhüh api I kheaknü tso; arünü Baalbo kilim laksah-a kingaün, tüsho rhümthüneabe sangthsübo kilim jih.

HOSEA 11:7

I mihtsürü ju I kheaknü rholode atsopü lümkihlah. Arünü Khide Achangbuh ki jiji she apinü arü mushuhmusu.

JOEL 2:23

O Zion zürübo, Atungpuh nüsa Thrünpuh lung asühang tüsho asühachihang; tümüde apinü thiyuro-lungkinü nüsa kilim mumükin tsüng jihdo. Apinü nüsa kilim suhdahde, mumükin tüsho mükheankim tsüng püpüki nangde arüshihdo.

ZEKARIA 1:4

Nüsa jipürü nangde düla, sherü ki akhuhlim wukihrübonü zhiyuk, “ Wuto Atungpuhnü ha thachoh, Nüsa amütsü limrobo tüsho nüsa amütsü rhimobo chingnü rholoang.” Tüshe arünü muso yungsho I ki mani, Atungpuhnü thachoh.

MATHI 22:3

tüsho apinü thünio ching jiyukrü jishihpü ayamlarübo yüshih tüshe arübonü arochih.

MATHI 22:6

Aningkhinü api yamlarübo rama shik tüsho arü laksah.

LUKNÜ ATHRÜTKHI THIYUSHEAK-ATSÜ HUHTANYU 15:28

Tüshe apinü bukakhiuk, tüsho müyüzah. Jumonü abuhnü akhiukbah api ki mushu.

LUKNÜ ATHRÜTKHI THIYUSHEAK-ATSÜ HUHTANYU 19:44

tüsho nü lung nü tsührübo alo kheak arih-a yapbah; tüsho nü kheak lung khülangnü khülang kheak kheangkihkhi maningshih, tümütüsho Thrünpuh nü kilim arüpü kim nünü mümükheahde lado.”

LUKNÜ ATHRÜTKHI THIYUSHEAK-ATSÜ HUHTANYU 23:28

Tüshe Jisunü arü kilim rholobah tha, “Jirusalem liberübo, I thsungkheak dütrip, tüshe nüsa le nüsa tsührübo thsungkheak tripang.

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–

YUNIRÜBO RHIMO 7:59

Arünü Stephen rude alachoki, apinü tamkhüntamnü, “Atungpuh Jisu, I me leangkhiang.”

YUNIRÜBO RHIMO 8:1

Tüsho api shekhi ju Saulnü mülüjih-a lakheah. Tüsho ju nimung Jirusalem ching borü azhihde thsümüchi ato akhiuk; tüsho amüsüh-thsangyurübo kheak hode, arü alala Judea tüsho Samaria lomibo ching müzütabah.

YUZÜNGTHALO 32:29

Arü lümlung lakhülaa, arünü ha anikhitbah, arünü adünjipü lakhi mükheahbah!

YUZÜNGTHALO 5:29

O, arünü I wüntrekhi hadürü arü mulong ching lade kamruhroro I yukhüm zokhülaa, junangde arü tsührübo kheak lünnü tsüde alabah!

AMIKHEAKAKHIUKKHI 11:8

tüsho ane ashemibo ju amütsan thsüde Sodom tüsho Ijip de ajikhi, arü Atungpuh yümkihpung, ato kiuto kiudunglimro ching yapbah.

RUTH 2:12

Atungpuh Israel Thrünpuh shepü ghidükeang bukkhüp nü tsoyukpü arükheanü, apinü nü rhimo tüsho nü mihkhah mode thsambah jihshang!”