LUKNÜ ATHRÜTKHI THIYUSHEAK-ATSÜ HUHTANYU 13:25 - AMÜSÜH HÜM CL Bible (BSI)

²⁵ Küyimki thüyam putungrünü khülang ki asürübah khimdopü ju arihba, nüsanü wungdo zhipbah thrungde athabah, ‘Atungpuh, Atungpuh, isa thsungkheak khimshuhjang,’ tüsho apinü nüsa ki thabah, ‘Nüsa küchingnüanü inü nüsa mümükheah,’

LUKNÜ ATHRÜTKHI THIYUSHEAK-ATSÜ HUHTANYU 13:25 Iomraidhean Croise

THRÜNTAN 7:16

Shiwühbo yüzahde alakhi ju Thrünpuhnü Noa ki thiyukhüm jihkhi nangde rhangdung lakhi aban pung tüsho dre lakheah; tüsho Atungpuhnü api alunglim khimdoabah.

MUNGSHIKHÜN 32:6

Jumonü thiyuro mihtsürübonü arü lümthsünü kim ching nü ki tamkhüntamnüshang; tsükjide keto kingde akihchoki junü arü mukhiung.

ISAIA 55:6

Api ngüpü lachoki Atungpuh yimang, api thüninde lachoki api ki jiang;

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

LUKNÜ ATHRÜTKHI THIYUSHEAK-ATSÜ HUHTANYU 13:27

Tüshe apinü athabah, ‘Inü nüsa ki thachoh, nüsa küchingnüanü inü mümükheah. Nüsa amülim rhimorü alala I kinü tsoang.’

LUKNÜ ATHRÜTKHI THIYUSHEAK-ATSÜ HUHTANYU 3:8

Mulong müthrikhi ayede aso asoang, tüsho nüsa küdah thsüde, ‘Isa abuh Abraham lah’ de athapü dütankih; tümüde inü nüsa ki thachoh, Thrünpuhnü harü lungbo chingnü Abraham tsührübo asürüshihpü kuklah.

LUKNÜ ATHRÜTKHI THIYUSHEAK-ATSÜ HUHTANYU 6:46

“Tümüde nüsanü I ki Atungpuh, Atungpuh de jichoh, tüshe inü nüsa ki thakhi mürhimocho?

2 KORINT 6:2

Tümüde apinü thachoh, “Aleangkhipü kim ching inü nüsa ki anido, tüsho akhümkhit nimung ching nüsa rungdo.” Kheahang, kheakü aleangkhipü kim ah; kheahang, kheakü akhümkhitpü nimung ah.

IBRI 12:17

Tümüde ju dunglim apinü müngühmühi yamrüplurüp lupü künchoki api bahyukkhi nüsanü mükheahlah, tümüde apinü chike bukde yimyim she mulong müthripü kim müngüdebah.