LUKNÜ ATHRÜTKHI THIYUSHEAK-ATSÜ HUHTANYU 13:19 - AMÜSÜH HÜM CL Bible (BSI)

¹⁹ Haju mihtsürü khülangnü woninji lubah api wündo ching yukkhi kiphahlah; ha tochoh tüsho sangdung ato kamchoh, tüsho thüning wuhnubonü ju khahbo ching arü sapbo shuchoh.”

LUKNÜ ATHRÜTKHI THIYUSHEAK-ATSÜ HUHTANYU 13:19 Iomraidhean Croise

KHÜNBOLUNGKHÜN 4:12

Arihkhi wündo, kenü rihdokhi, ke-bukpung yihdokhi ju I tsübe, I yamkhünbe ah.

KHÜNBOLUNGKHÜN 4:16

Asürang, O dukulim apung! tüsho arang, O düjinglim apung! I wündo kheak yünang, junangde arhümthüneakhi yünmüzütbah. I tsübuh api wündo ching arüshang, tüsho amokhitkhi sangasobo tsühshang.

KHÜNBOLUNGKHÜN 6:2

I tsübuh api wündo ching, rhümthüneabe ching, api mihnu boto yimkippü, tüsho thrilung sangbünbo zükmukhungpü yükido.

KHÜNBOLUNGKHÜN 8:13

O nü shepü shahwünbo ching la, I müyamrübonü nü düsheak sopü aleanglah; inü ju soanü.

ISAIA 53:1

Isa yusheak shepünü akinkhea? Tüsho shepü ki Atungpuh khah akhiukkhea?

ISAIA 53:10

Tütüshe api thsünüde azünakpü ju Atungpuh lümkhi lakheah. Küyimki nünü api rhangdung neak dün kingaün jihbanü, apinü anihbuh tsührü ngübah tüsho api nimungbo thoshangbah; api hode Atungpuh lümkhi akuk ngübah.

ISAIA 58:11

Atungpuhnü mutuklode nü bebah, tüsho atak dangpungbo ching nü yihnübebo reangkeamshihbah, tüsho nü robo düküngshihbah; tüsho nü a keduhkhi ayündo nangde, küyimkishe mubukde mülakhi kenü nangde alabah.

ISAIA 61:11

Tümüde alonü adübit chinshihkhi nangde, tüsho ayündo ching yangkhi mukhuhkhi nangde, junangde Atungpuh Thrünpuhnü thiyuro-lungki tüsho mungshi ju trükshih alala miki mukhuhshihbah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

JEREMIA 31:12

Arünü arübah tüsho Zion wung kheak achangnü khün thsübah, tüsho Atungpuh tsükhi– hi, yukhu, tüsho müdangke, namfimihnu tüsho moshi dünkheaknü arübonü asühachihbah; arü rhangdung ju ke tsüde aduhkhi ayündo nangde akambah tüsho arübo kheaküa mulong murozhak.

EZEKIEL 31:6

Sangkhahbo ching wuhnubo alalanü asap shuchoh; ha dübeakkhi khüpnü mükeak shiwühbo alalanü anunu anujih; tüsho ha alamme khüp trükshihbo alala la.

DANIEL 4:12

Ayübo ju tsüde alakheah tüsho aso suhdahde alakheah, tüsho ju ching alala thsungkheak tsühyungbe lakheah. Mütüm shiwühbonü ju khüp alam, tüsho thüning wuhnubonü akhahbo ching la tüsho rhangdung lakhi lüpdükhinü ju sangaso tsüh.

DANIEL 4:21

küpü ayübo akhamde lakhea tüsho asobo suhdahkhea, tüsho küpü ching alala thsungkheak tsühyungbe lakhea; küpü khüp mütüm shiwüh alamkhea, tüsho küpü khahbo ching thüning wuhnu lakhea–

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

MATHI 17:20

Jisunü alo, “Tümütüsho nüsanü mükinmonü ah. Inü nüsa ki thiyuro thachoh, nüsa akin woninji dükhüh lasho, nüsanü ha müzüng ki thabah, ‘Ha kheaknü ju ching akhinang,’ tüsho ju akhinbah; tüsho nüsa thsungkheaknü tümü she amukukkhi mülade alabah.

MARK 4:30

Tüsho apinü tha, “Isanü Thrünpuh kiulongthsü ju tümünü akeba, yungsho ju thanakpü shihdanglimyu tümü laba?

LUKNÜ ATHRÜTKHI THIYUSHEAK-ATSÜ HUHTANYU 17:6

Atungpuhnü tha, “Nüsa akin woninji dükhüh lasho, nüsanü ha ayihkoso dung ki thabah, ‘Ayingnü rukkhitang tüsho keto ching khimang,’ tüsho junü nüsa ki mihyuanibah.

YUNIRÜBO RHIMO 2:41

Junangde sherünü api yu leangkhikheanü bapti, tüsho ju nimung mihtsürü 3000 bande kheyuk.

YUNIRÜBO RHIMO 21:20

Küyimki arünü ha sokheanü Thrünpuh müretahshih. Tüsho arünü api ki tha, “Keoniorü, Jihudarü bolung akinrü chithürü küdükhüh lanü kheahang; arünü yakzan ching khide mulong jihlah,

YUNIRÜBO RHIMO 4:4

Tüshe thiyu sorü ahihdonü kin, tüsho mihtsürübo khekhi 5000 bande kam.

ROMRÜ KILIM PAULNÜ ATHRÜTKHI KIHÜM HUHTANYU 15:19

Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”