LUKNÜ ATHRÜTKHI THIYUSHEAK-ATSÜ HUHTANYU 12:5 - AMÜSÜH HÜM CL Bible (BSI)

⁵ Tüshe nüsanü shepü ki trebeanü inü nüsa ki huhbah: Shepünü laksahbah dunglim thsümüchipung ching jipyukpü wu lanü api treang; am, inü nüsa ki thachoh, api treang!

LUKNÜ ATHRÜTKHI THIYUSHEAK-ATSÜ HUHTANYU 12:5 Iomraidhean Croise

MUNGSHIKHÜN 9:17

Mihbukmuyuk Ashe-lomi ching yübah, Thrünpuh bahyukrü trükshih alala.

MÜCHITMUDU 14:26

Atungpuh trekhi ching mulongram adüküng lah, tüsho api tsührübo tsoyukpung dangpung labah.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

JEREMIA 41:18

ju Kaldearü dünkheaknü ah; tümüde arübonü arü trede alakheah, tümütüsho Babilon kiulongthsüpuhnü lomi kurungkheak kovünor mokhitkhi Ahikam tsührü Gedalia ju Nethania tsührü Ishmaelnü laksah.

JEREMIA 5:22

Nüsanü I mütre de? Atungpuhnü thachoh; nüsanü I miki majancho de? Inü keto aredung thsungkheak loyi zojihlah, lünnü muhokhukbe rhü khülang; kenü abükbük she müzünhokhuk, arungrung she muhokhuk.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

MATHI 5:22

Tüshe shepünü nihbuh keoniorü ki bukakhiukbanü mahkhap ching bedarübah. Shepünü nihbuh keoniorü ki makharü de athabanü kiuthsü-binkiu miki bedarübah, tüshe shepünü aduhrü de athabanü thsümüchi motru ching atrebe labah.

MARK 13:23

Tüshe kurhangang; inü amüngühnü alala nüsa ki thado.

1 TESALONIKA 4:6

junangde mihtsürü shenü she hadürü ching nihbuh keoniorü ki müthsümünim, tüsho amülim müthsü, tümütüsho isanü nüsa ki amüngühnü düh de athakhi nangde harü alala ching Atungpuh ju royimrü lah.

IBRI 10:31

Arhang Thrünpuh khah ching yüzahpü ju atrebe lah.

2 PETER 2:4

Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah.

AMIKHEAKAKHIUKKHI 14:7

tüsho apinü düsheak achangnü tha, “Thrünpuh treang tüsho api müretahang, tümüde api mahkhappü kim arüdo; tüsho shepünü thüning, alomi, keto tüsho kenübo thrünkheanü api kingaünang.”

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

AMIKHEAKAKHIUKKHI 20:14

Judüki Ashe tüsho Thsümüchi ju modüjim ching jipyuk. Ha modüjim, mahnekipü shekhi lah;