LUKNÜ ATHRÜTKHI THIYUSHEAK-ATSÜ HUHTANYU 12:48 - AMÜSÜH HÜM CL Bible (BSI)

⁴⁸ Tüshe shepünü mümükheahkhea, tütüshe ashikpü thülünde lakmihsho nükde ashikbah. Tümütüsho shepü kilim hihde jih-a lanü, api kilimnü hihde akheangbah; tüsho ju kheaknü alü jihbuh kilimnü alübe kheangbah.

LUKNÜ ATHRÜTKHI THIYUSHEAK-ATSÜ HUHTANYU 12:48 Iomraidhean Croise

LEVI 5:17

Mihtsürü khürünü müreanglimnü Atungpuh yukhüm thsümünimsho, api amülim thsübah tüsho ju mülimkhi apinü ahanbah.

WÜHKHE 15:27

Tüsho mihtsürü khülangnü müreanglimnü neak yihbeaksho, apinü mihnu dre kam khülang bankhi neak kingaün jihbah.

MATHI 13:12

Tümütüsho shepü lanü api kilim alü jihbah, tüsho api suhdahde alabah; tüshe shepü mülanü, api anikhüh lakhi ju she anihbuh kheaknü lude atsobah.

MATHI 23:14

Nüsa yakzan thsangyurübo tüsho Pharisirü, yiuhkhaprübo are! Tümüde nüsanü khimoberü yambo thsümünimchoh, tüsho rük thsüde ashangshang tamkhüntamnüchoh. Jumonü nüsa thsümüchi amütsübe lah.

LUKNÜ ATHRÜTKHI THIYUSHEAK-ATSÜ HUHTANYU 12:41

Judüki Peternü api ki tha, “Atungpuh, ha shihdanglimyu nünü isa ki lang thacho shi, mihtsürü alala ki a?”

LUKNÜ ATHRÜTKHI THIYUSHEAK-ATSÜ HUHTANYU 12:49

“I alomi kheak mo hande arüpü arükheah tüsho inü künangde alümkheanü ju takkihdo!

LUKNÜ ATHRÜTKHI THIYUSHEAK-ATSÜ HUHTANYU 16:2

Jumonü apinü anihbuh jibah tha, ‘Inü nü dünkheak sokhi ha tümü a? Nü khinkihthsükhi khemütsana jihang, tümüde kheaküa nü khinkihthsürü müthsü.’

JOHAN 15:22

I arübah arü ki masukkhülaa, arünü neak müyihbeaka labah, tüshe kheakü arü neak thsungkheak arünü amudopü müla.

YUNIRÜBO RHIMO 17:30

Mümükheahkhi kimbo Thrünpuhnü amümürang thsüdo, tüshe kheaküa lüpdükhi ching mihtsürü alala ki mulong müthripü thiyukhüm jihdo,

YUZÜNGTHALO 25:2

amülim mihtsürü ju alakpü thülünsho, mahkhapbuhnü api mühüplimnü ayapshihbah tüsho api kheak amülim jihkhi ayannü khede api mikinü arhapbah.

1 TIMOTHI 1:11

Haju I ki thiyikhi müngühmühi Thrünpuh müretahkhi thiyusheakatsü yande lah.

1 TIMOTHI 1:13

Adüso inü api athruajide, thsümüchide, tüsho mükhemükimde lalashe, inü mümükheahde tüsho mükinyide arhimokhi hode I ki mihmüthsüm huh.

1 TIMOTHI 6:20

O Timothi, inü nü ki tümü thiyidünü kümkangang. Amükinrü yu tüsho arükchihnü “Mükheahmudu” de ajikhi atsangachihkhibo bahkhiang,

TITA 1:3

tüsho isa khümkhitrü Thrünpuh thiyukhümnü I ki thiyia lakhi api yu thsangyuthsangrakhi hode kim dükdü ching dünjikhinü;

JAKOB 3:1

I keoniorübo, nüsa ahihkhüh thsangyurü dükam, tümüde isa sherünü thsangyuchonü atobenü müküpde thiyukhapbah de nüsanü mükheahlah.