LUKNÜ ATHRÜTKHI THIYUSHEAK-ATSÜ HUHTANYU 12:4 - AMÜSÜH HÜM CL Bible (BSI)

⁴ “Tüsho inü nüsa ki thachoh, I müyamrübo, sherünü laksahbah ju dunglim tümü müthsükhuknü arü ki dütre.

LUKNÜ ATHRÜTKHI THIYUSHEAK-ATSÜ HUHTANYU 12:4 Iomraidhean Croise

MÜCHITMUDU 29:25

Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

KHÜNBOLUNGKHÜN 5:16

Api yu thakhi khide niunglah, tüsho api a alala tsülah. Ha I tsübuh tüsho api I müyambuh, O Jirusalem tsührü liberübo.

ISAIA 41:8

Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

JEREMIA 1:17

Tüshe nü, nü chim rümang; asürang tüsho inü nü ki thiyukhüm jihkhi alala arü ki thaang. Arü miki dütre jude yungsho inü nü arü miki treshihbah.

JEREMIA 1:8

Arü dütre, tümüde nü kümpü I nü lung lah, Atungpuhnü thachoh.

JEREMIA 41:18

ju Kaldearü dünkheaknü ah; tümüde arübonü arü trede alakheah, tümütüsho Babilon kiulongthsüpuhnü lomi kurungkheak kovünor mokhitkhi Ahikam tsührü Gedalia ju Nethania tsührü Ishmaelnü laksah.

EZEKIEL 2:6

Tüsho mihtsürü tsührü, nünü arü ki yungsho arü yubo dütre. Nü mühide ayangsang tüsho ayangbo lalashe tüsho lungthsühribo lung nü lalashe nünü dütre. Arü ju azhih yamkhün thsüthsü she, arünü athakhi yungsho arünü müzünkhi dütre.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

JOHAN 15:13

Khürünü api müyamrü thsungkheak nihbuh rhangdung jihkhi kheaknü püpü amuzho atobe müla.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 4:13

Küyimki arünü Peter le Johan mulong tokhi ngükhea, tüsho ane amümükheahrü, mihtsürü dümung kheahkhitkhea, arünü müyinsah; tüsho ane Jisu lung lade arüa lah de mütsan.

FILIPI 1:28

Tüsho nüsa azhihrübo hode tümü ching she nüsa mümüzün, ha arü thsümünimpü arü ki mütsandakkhi lah, tüshe nüsa akhümkhit Thrünpuh kilimnü lah.

JAKOB 2:23

tüsho amüsühyu dünjide tha, “Abrahamnü Thrünpuh kin, tüsho api kilim thiyuro-lungki khejih”; tüsho api ju Thrünpuh müyambuh de ji.

1 PETER 3:14

Tüshe thiyuro-lungki thsülimnü nü thsünüa lalashe, nü müngühmühibah, sheshe dütre tüsho mulong düsansan.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.