LUKNÜ ATHRÜTKHI THIYUSHEAK-ATSÜ HUHTANYU 12:37 - AMÜSÜH HÜM CL Bible (BSI)

³⁷ Aputungrü arüde alachoki atünadode alakhi ngürü yamlarübo asühpü. Atsütsü inü nüsa ki thachoh, apinü nihbuh chim rümbah arübo yimtsühpü binshihbah, tüsho arübah arü ahiuhakhipbah.

LUKNÜ ATHRÜTKHI THIYUSHEAK-ATSÜ HUHTANYU 12:37 Iomraidhean Croise

ISAIA 62:5

Athrününgtsüng khülangnü anünürü kheak yamkhün kamkhi nangde nü thrünrünü nü ki rhangbah, tüsho yamkhün-kambuhnü yamkhün-kambe kheak asühachihkhi nangde, nü Thrünpuhnü nü kheak asühachihbah.

JEREMIA 32:41

Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

MATHI 24:42

Jumonü kurhangde lang, tümütüsho nüsa Atungpuh arüpü kim nüsanü mümükheah.

LUKNÜ ATHRÜTKHI THIYUSHEAK-ATSÜ HUHTANYU 12:36

mihtsürübonü arü putungrü arhangrü thünio chingnü arükhi aleangde labah api arübah athrungchoki arünü nahde khimdopü khimshuhjihkhi nangde laang.

LUKNÜ ATHRÜTKHI THIYUSHEAK-ATSÜ HUHTANYU 12:43

Api putungrü arüde alachoki rhimode ngükhi yamlarü asühpü.

LUKNÜ ATHRÜTKHI THIYUSHEAK-ATSÜ HUHTANYU 17:8

Tüshe apinü anihbuh ki, ‘I tsühyungpü thsakhamang, tüsho I mütsühyungyi khiungde thsakhambah aleangang, tüsho ju dunglim nü tsühyungang’ de athapü yung de?

LUKNÜ ATHRÜTKHI THIYUSHEAK-ATSÜ HUHTANYU 21:36

Jumonü kamruhroro kurhangang tüsho tamkhüntamnüang, junangde harü alala dünjichoki nünü atsokhitkhukbah tüsho Mihtsürü Tsührü miki zhipkhukbah.”

LUKNÜ ATHRÜTKHI THIYUSHEAK-ATSÜ HUHTANYU 22:27

Shepü atobe a, dükhüm ki binbuh a shi ahiuhakhipbuh a? Dükhüm ki binbuh yung de? Tütüshe I a nüsa lung ahiuhakhipbuh nangde lah.

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

1 KORINT 2:9

Tüshe ha thrüta lah, “Tümü she müknü müngükhea, yungsho nükhünnü muso, yungsho mihtsürü mulongnü mülümkhea, juju Thrünpuhnü api muzhorü khilim thsakhamkheah.”

FILIPI 1:21

I thsungkheak a alapü ju Khrista, tüsho ashepü ju alü lah.

FILIPI 1:23

I mahne dükeak thoachihchoh. I a chamachihbah Khrista lung lapü künlah, tümüde ju atsübe ah.

2 PETER 1:11

Junangde isa Atungpuh tüsho akhümkhitrü Jisu Khrista kiulongthsü ching yüzahpü nüsa thsungkheak suhdahde ajihbah.

2 PETER 3:14

Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.

AMIKHEAKAKHIUKKHI 14:13

Judüki yinmi ching düsheak achangnü athakhi inü so, “Ha thrütang: Kheakünü rünbah sherü Atungpuh tankihkhi ching shebanü müngühmühi.” “Am,” Menü alo, “arü khisahkhi chingnü arü sühakhimbah, tümüde arü rhimobo arü dunglim yüchoh!”

AMIKHEAKAKHIUKKHI 16:15

(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”)

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”