LUKNÜ ATHRÜTKHI THIYUSHEAK-ATSÜ HUHTANYU 12:17 - AMÜSÜH HÜM CL Bible (BSI)

¹⁷ Tüsho apinü aküdahnü lümde tha, ‘Inü küde athsüba, tümütüsho hi zopü akhiungshak müla?’

LUKNÜ ATHRÜTKHI THIYUSHEAK-ATSÜ HUHTANYU 12:17 Iomraidhean Croise

T H S AN GYU T H S AN GR ARÜ 11:2

Nü shihcham thüne, yungsho tizheah chamnakang, tümüde alomi kheak thsümütsü tümü arübanü nünü mümükheah.

ISAIA 58:7

Nü yikhap ju akhümrü kippü tüsho thüyam mülarü zhochihrü nü yam ching bedarüpü yung de; küyimki nünü bünkeang ngübanü, arü yihdojihpü tüsho nü keoniorü kheaknü nü müjikpü yung de?

MATHI 16:7

Tüsho arünü arü bolung asukachihde tha, “Ha isanü yikhap mulumonü ah.”

MATHI 5:42

Khürünü nü ki tümükhüh kheangsho api kilim jihang; khürünü nü ki tümükhüh nipnesho, api ki nipjang.

LUKNÜ ATHRÜTKHI THIYUSHEAK-ATSÜ HUHTANYU 10:25

Tüsho kheahang, mahkhaprü khülangnü zhipbah api rükakide tha, “Thsangyurü, akheam müla rhangdung yamrüplurüp lupü inü tümü rhimobea? ”

LUKNÜ ATHRÜTKHI THIYUSHEAK-ATSÜ HUHTANYU 11:41

Tüshe nüsa pung le phuru ching lakhi ju zhochihrü kilim jihang; jushu nüsa thsungkheak alala amüsüh labah.

LUKNÜ ATHRÜTKHI THIYUSHEAK-ATSÜ HUHTANYU 12:16

Judüki apinü arü ki shihdanglimyu tha: “Alarü mihtsürü khülang lonü suhdahde akhiuk.

LUKNÜ ATHRÜTKHI THIYUSHEAK-ATSÜ HUHTANYU 12:18

Jumonü apinü tha, ‘Inü ha rhimobah: Inü I jakam lukkheambah tüsho atobe thsübah, tüsho ju ching inü I hibo le kukrukbo alala zobah.

LUKNÜ ATHRÜTKHI THIYUSHEAK-ATSÜ HUHTANYU 12:22

Tüsho apinü ajingyanrübo ki tha, “Jumonü inü nüsa ki thachoh, nüsa rhangdung thsungkheak tümü tsühba yungsho nüsa pang thsungkheak tümü phuyuba de mulong düsansan.

LUKNÜ ATHRÜTKHI THIYUSHEAK-ATSÜ HUHTANYU 12:29

Jumonü nüsanü tümü tsühba tüsho tümü yungba de mulong düsansan.

LUKNÜ ATHRÜTKHI THIYUSHEAK-ATSÜ HUHTANYU 12:33

Nüsa lakhitbo yinang tüsho zhochihrü kilim jihang. Mümürhütbe shoyukpung, ahührü müthüninpung yungsho tsünsuknü müthsümünimpung, amükheambe yinmi ching rahpung tsanglunga zoang.

LUKNÜ ATHRÜTKHI THIYUSHEAK-ATSÜ HUHTANYU 16:3

Judüki khinkihthsübuhnü aküdah thsüde tha, ‘I küde athsüba? Tümüde I putungpuhnü khinkih thsüpü I kheaknü lude tsochoh. Inü alo mukiukhuk; inü akheangpü achihlah.

LUKNÜ ATHRÜTKHI THIYUSHEAK-ATSÜ HUHTANYU 16:9

Inü nüsa ki thachoh, nü thsungkheaknü alomi lakhit ju nü müyamrübo alü thsüpü rhimoang, junangde küyimki ju mülade akambanü, akheam müla lapungbo ching nü beyukbah.

LUKNÜ ATHRÜTKHI THIYUSHEAK-ATSÜ HUHTANYU 18:22

Küyimki Jisunü harü sokhea, apinü anihbuh ki tha, “Nü kheaküshe khülangnü maban. Nü lakhi alala yinang tüsho zhochihrü kilim chama jihang, tüsho yinmi chingnü nü rahpung labah; tüsho arang, I dunglim yanang.”

LUKNÜ ATHRÜTKHI THIYUSHEAK-ATSÜ HUHTANYU 19:17

Tüsho apinü anihbuh ki tha, ‘Tsüde rhimodo, yamlarü atsü; tümütüsho nünü khide aninikhüh khülang ching thiyuro lado, kiuto 10 kurungkheak thiyukhüm-sühmüh ahoriang.’

LUKNÜ ATHRÜTKHI THIYUSHEAK-ATSÜ HUHTANYU 3:11

Tüsho apinü arü ki alo, “Shepü pangkhümpü mahne lanü, apinü amülabuh kilim jihshang; tüsho shepü tsühyungbe lanü apinü she jude thsüshang.”

YUNIRÜBO RHIMO 16:30

tüsho ane bekhitbah tha, “Atorübo, akhümkhitpü thsüde inü tümü rhimoba?”

YUNIRÜBO RHIMO 2:37

Küyimki arünü ha sokheanü arü küpkhukde kam, tüsho Peter le aningkhi amüsüh-thsangyurübo ki tha, “Keoniorübo, isanü küde athsüba?”

ROMRÜ KILIM PAULNÜ ATHRÜTKHI KIHÜM HUHTANYU 12:13

Amüsührü yihnüpü lakhi arung jihang, hanrü akamang.

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.

1 JOHAN 3:16

Isa rhangdung dünkheak api rhangdung jihkhi hode isanü amuzho mükheahlah; tüsho isanü keoniorü thsungkheak isa rhangdung jihbeah.